Başqortostandıñ halıq şağirı Timer Yosopovqa – 70 yäş

Başqortostandıñ halıq şağirı Timer Yosopov haqında ber kälimä yazırğa niätlägäs, Maksim Gorkiy turahında zamandaştarı qaldırğan ber hätiräne iskä töşörzöm. Ul moryaktar menän osraşıuğa bara. Hüz birelgäs, ber ni äytä almay häm: «Hezgä arnap beräy hikäyä yazırmın», – tigän höyläm menän siklänä. Timer ağayzı häterlätte miñä oşo qılıq. Ul da, icadı haqında uñlı-hullı höyläp, här yırzä üzen propagandalap, äzäphezlek kürhätep, här urınğa tığılıp yöröy torğan äziptärzän tügel. Unıñ turahında icadı, bigeräk tä şiğırzarı höyläy. Şähsän üzemä huğış osoron kürgän, unan huñğı mihnättärze üz iñendä tatığan bıuın väkileneñ totoş il, halıq äseneüyen, hızlanıuın halıqsan obrazdar aşa birä alıuı yaqın.
 
Bıuındarı nığınmağan malayzarzıñ yäşäp ölgörmäs elek qartayıuın, qatındarzıñ höyöü tulı küzzärenän hağış, yuqhınıu, mäñgelek yuğaltıu yäştäre tamıuın, zur yauzan huñ yırzeñ üzeneñ yaralarına tüzä almay hıqrauın küräm, toyam Timer ağayzıñ şiğırzarında. Salauat batırğa, azatlıq ruhına arnalğan şiğırzarı aforizm keüyek istä qala. Kemdär genä belmäy häzer «Tıuğan yılı ğına bula unıñ, ülgän yılı bulmay batırzıñ» tigän yuldarzı? Gäzit-curnaldarza totoş mäqälälär, mahsus bittär oşo yuldar menän ataldı. Ä ular Timer Yosopovtıñ tarihsılarğa möräcäğät, totoş halıqqa, keşelekkä öndäşeü räüyeşendä yazılğan şiğırınan alınğan.

Oşo köndärzä Başqort däülät filarmoniyahında Başqortostandıñ halıq şağirı Timer Yosopovqa 70 yäş tulıu uñayınan, respublika yıtäkselege, yämäğätselek, qälämdäştäre, matbuğat hezmätkärzäre, uqıusılar unı bik zurlanı. Şağirzıñ äsärzäre menän ürelep barğan kisä Timer ağayzıñ üze uqıuındağı şiğır menän tamamlandı. Rämi Ğaripovtı üz ostazı tip hanağan Timer Yosopovtıñ icadında la ruhi bunt, bögöngö menän kileşmäü, irtägähe kön ösön borsolou, ütkändär menän ğorurlıq toyğoho yarılıp yata. Şağirzıñ şiğırın üzenän dä häybät uqığan keşe yuq, tigände işetkänem bar. Bıl hüzzär, bälki, bötähenä lä kileşep tä bötmäyzer, ämmä Timer ağay haqında äytelgän töslö. Halıq şağirı şiğırzarzı ärnep, hızlanıp yaza häm şul kisereş menän uqıy za. Küñeldäge his-toyğonoñ tauışqa sığıuı, küñel döröslögönöñ hüz ahäñe aşa yañğıraşı ihlas, yılı qabul itelä. Isın icad şulay bula torğandır. Şağirzıñ şiğırzarına östäp, ber ni äytähe tügel, ularzı uqırğa, tetränergä, hiskänergä, yılınırğa ğına mömkin.


2008