Haý–haý, hazyna!.. - 4

дервезә йӛнелйәр. Шейда адамларың янында сакланан машындан
чыкан Гадыры гӛрйәр.
Гадыр арчын, автоинспектор, Хан усса, Дотдук дагы билен
саламлашяр. Ол Падыманың йүзүне җиңкерип гараяр, гүлүп
башлаяр:
- Падыман, пахахай, танар ялы болмансың-ла? Эйгиликми?
Падыман ӛйкелейәр, ӛзүнден гүррүңи дашлашдырмак исләп:
- Ханха, Датды ханам танар ялы болан дәлдир…
Адамлар гүлүшйәр. Аңырдан егшерип гелйән Шейда гыгыряр:
- Гыйв, Гадырҗан! Алавери аманадыңы! Сениң ялан гызылың
дийип ӛйүмизи урдурдык!
Хан уссаның йүзи үйтгейәр:
- Кейваны!..
Шейда оңа үм билен дүшүндирйәр, эмма Ханың гара чыны:
- Шейда ол гызыл Гадырың гызылы дәл!
- Хернә шүй гызылам, менем, сенем ерлер ювутсын-да!..
__________
Бу махал Сандыкгачы обасына дел «Мерседес» гирип гелйәр.
Машының ичинде үч саны яш йигит шады-хоррам…
… Гайгысызың гӛзи Гӛвхериң гӛзи билен душушяр. Гӛвхер
аял-гызлар билен дур.
54
Автоинспектор, арчын гӛк сумканың гызылыны сынлап,
дишләп гӛрүп, вахахайлашып гүлүшйәр.
Арчын:
- Усса, болса-да обамыза томаша-ха гӛркездиң!
Шейда:
- Томашаның улусыны энтек гӛрер Хан усса!
Арчын:
- Шейда гелнеҗе, той тутмак герек! Онда-да гоша той!
Хан усса лах-лах гүлйәр:
- Энтек Шейданың Худай ѐлы айдан малларыны бермек
үчинем бир ай герек.
- Илки тойдан башлалың! – дийип, арчын гапдалда сакланан
машина үмлейәр.
- Вай, балам Гайыпҗан! – дийип, Шейда «Мерседесден»
йылгырып дүшен Гайыба тарап ылгаяр…
Гайып билен Шейда гуҗаклашяр. Хеммәниң йүзүнде
шатлык…
__________
Обаның Медениет кӛшки беземен, шадыян адамдан хырындыкын. Президиумда хәким, арчын, Хан усса, Шейда, Гайып,
огрыны тутанлар – Гайгысыз, Байя, Падыман, Датды дагы отыр.
Президентиң векили трибунада чыкыш эдйәр.
Сахнаның ӛңүнде йӛрите айна гапырҗакда Хан уссаның
хазынасы гойлупдыр.
Президентиң векили нутук сӛзлейәр:
- Эзиз адамлар! Сизиң обадашыңыз Хан уссаның гарры атасы
Гайып Гӛвеч мүң докуз йүз йигриминҗи йылда большевиклере бәш
мүң секиз йүз доварыны, үч йүз элли сыгрыны, ики йүз говрак
гылялыны, йүз элли дүесини мейлетин берйәр. шол йылың
гүйзүнде ол Ербендиң аңырсындакы Каклы гуя гӛчйәр. Бир мүң
докуз йүз йигрими дӛрдүнҗи йылда ОГПУ-ның векиллери Каклы
гуя барып Гайып Гӛвеҗиң огулларыны гыссап уграярлар. Векиллер
Гайып Гӛвечде кӛп мукдарда гызылың бардыгыны билипдирлер.
Гайып Гӛвеч шол махал кӛрпе оглы билен Дашогуза аргыша,
бугдай гетирмәге гиден экенлер. Гайып Гӛвеҗиң огуллары
гызылларының ниреде букуландыгыны айтман, мертлерче
дымыпдырлар. Нетиказа векиллер Гайып Гӛвеҗиң үч оглуны –
55
Непес Гӛвеч оглуны, Халы Гӛвеч оглуны, Арслан Гӛвеч оглуны ит
атан ялы атып гайдярлар…
Гайгысызың гӛзлери залда отуран Гӛвхер гызың гӛзлери
билен душяр.
Гӛзлер, ала гӛзлер, ашык гӛзлер, ышк билен ловурдап дуран
гӛзлер…
Зал перишан болуп гама батып отыр…
Президентиң векили:
- Паҗыгалы бакналык йыллары тарыха гитди! Хан ага, Шейда
гелнеҗе, сиз бу гүн Гарашсыз, беркарар Түркменистаның раятлары!
Эзиз Сердарымыз Бейик Сапармырат Түркменбашы Хан Мердан
оглы Гайыбовы «Ватана болан сӛйгүси үчин» диен медал билен
сылаглаяр!
Зал ӛр туруп, эл чарпяр. Президентиң векили Хан уссаның
дӛшүне медал дакяр. Автобус сүрүҗи бу махал видеокамера билен
олары сурата дүшүрйәр…
Президентиң векили:
- Хан ага, ынха бу-да сизиң ата-бабаңыздан галан мирас
байлыгың – улы хазынаның кепилнамасы! Байлыгыңызы юрдуң,
дүнйәниң ислендик банкында сакламага кепилнама!
Бүтин миллет ӛр туруп эл чарпышяр. Дабаралы саз. Хан
уссаның, Шейда еңңәниң гӛзлеринде бегенч яшы…
Президентиң векили:
- Гадырдан адамлар! Түркмен халкы бәш мүң йыллык
тарыхында мыдама улы-улы дӛвлетлер гуруп, бай яшамагы
башарыпдыр. Бай болуң, бег болуң, аҗайып Диярда, мукаддес
Ватанда Бейик Түркменбашының саясында дӛвран сүрүп яшаң!
Зал ӛр туруп эл чарпяр. Дабаралы саз. Гӛвхер, дүрли яшдакы
гызлар Президиумда отуранлара гуҗак-гуҗак гүл десселерини
говшурярлар…
ТАМАМ.