Siña kol bulganım – soltannan artık

Säneñ därdeñ bäña därmandin artık,
Säña kol bulgam – soltandin artık.

Säneñ yadıñnı äysäm[13] çül eçendä,
Bulır ul çül mäña bostandin[14] artık.

Säneñ yadıñ ägär kitsä telemdin,
Vöcüdem korıyur (korır. – X. M.) väyrandin artık[15].

Mäneñ har[16] bulmışım üz gaflätemdin[17],
Mägär kıylsañ näzar-ihsandin artık[18].

Gaziz har kıy lgunı soltan sınuksän,
Säneñ lotfıñ kamu älvandin artık[19].

Nä huş bu dönyada iman vä "Korän"!
Ni bulgay dönyada imandin artık!

Mänem därdeme hiç kemsä belmäs,
Ägär belsä häkim Lokmandin[20] artık.

Bu yañliğ gasıy irkän[21] Kol Söläyman,
Gıynayät umanır barandin artık[22].

_________________________

[13] Säneñ yadıñnı äysäm – sine isemä töşersäm.
[14] Bostan – bakça, gölbakça.
[15] "Yäşäeşem korır härabälärdän dä artık".
[16] Har – tübän, gönahlı.
[17] Gaflätemdin – vayımsızlıgımnan, poşmauçanlıgımnan.
[18] "Mägär küz taşlasañ (karasañ) – yärdämnän (igelektän) artık".
[19] "Sineñ märhämäteñ barlık (töstäge) çäçäklärdän (niğmätlärdän) artık".
[20] Häkim Lokman – Şärık dönyasınıñ legendar akıl iyäse.
[21] "Mondıy gönahlı ikän".
[22] "Yärdäm kötär yañgırdan artık" (yağni: annan yañgırdan da artık mul şäfkat, märhämät kötär).