Şiğırlär - İshak Häyrullin

Gabdulla Tukayıv


Üz milläten söygän keşe,

Millät öçen köygän keşe,

Ah-vah itep yörgän keşe —

Bar ide ber Gabdulla.


Şiğır yazdı — yalıkmadı,

Yazudan hiç tarıkmadı,

Yaza gına birde, yazdı —

Milläten söygän Gabdulla.


Närberlärne tigez söyde,

Tatarlar öçen ul köyde,

İrtä torıp ul totındı

Şiğır yazarga Gabdulla.


Läkin alay bulsa da ul,

Tatarlarga salsa da yul,

Ardı anıñ bervakıt kul —

Kaberlekkä kitte Gabdulla.


Millätenä söygän keşe,

Millät öçen köygän keşe,

Ah-vah itep yörgän keşe

Ülep kitkän inde häzer.



Tatar kileneneñ zarı


Nigä kildem bu dönyaga, hiç tä rähät kürmägäç,

Rähätlänep, irkälänep, hiç häsrätsez yörmägäç?


Hiçkayda çıgu yuk miña, min bu öydä yabılıp yatam,


Beraz gına bulsa da häl cıymıym eştän içmasam.

Miña bu öy zindan inde — min güyä mähbüs kebi,

Çitlektä yabılıp yatkan biçara, zägıyf koş kebi.


Mähbüs şul min! Mähbüs şul min! Min bu öyneñ mähbüse.


Nik itteñ mähbüs mine, äy yuktan bar itküçe?


Şulay bulsam da, kaynanam mine hiç kızganmıydır

Nindi häle avır meskinäneñ dip sızlanmıydır.