Şiğırlär - Gulfiyä İdiatullina

BULGANNAR, Dİ, TORGANNAR, Dİ
(balalar öçen şigırlär)

Bulgannar, di, torgannar, di
(Sergey Teterin şiğırneñ tärcemäse)

Bulgannar, di, torgannar, di,
Urmanga utınga yörgännär, di,
Çana töyäp alıp kilgännär, di,
Bi-ik ozak utınnı kiskännär, di.

Yargannar, di, anı, çapkannar, di,
Utınlıkka salıp kuygannar, di,
Öylärenä alıp kilgännär, di,
Miçne yagıp cibärgännär, di.

Miçne yagıp cibärgännär, di,
Tämle botka peşergännär, di,
Aşap–eçep torgannar, di,
Eşçelärne tuydırgannar, di.

Kerpekäy
(Sergey Teterin şiğırneñ tärcemäse)

Yäşel çirämdä kerpe yögerä.
Anıñ täpilären kürmäyem ber dä.
Kara äle, kaya kulların kaçıra!
Kulları anıñ enälär astında!

Häzer sukmaktan ul inde yögerä,
Anıñ arkada sölkenä ak gömbä.
Kilmi kulıma, birelmi ul ber dä -
Kölep utıra kuñelle käyeftä.

Däşmi çakırganda, ber süz dä äytmi.
Kölä kıçkırıp, tuktavın belmi!
Nigä ul kölä? Ni säbäbe şuña?
Korsagın ulän kıtıklay da tora!

Balık
(Vladimir Stepanov şiğırneñ tärcemäse)

Balıknıñ yözgänenä
Pesekäy karap tora:
«Totarga i anı, ih!»
Ul sudan gına kurka.

Köçek häm bolıt
(Vladimir Stepanov şiğırneñ tärcemäse)

Küktä bolıt yözä ide,
Ä et öyne saklıy ide.
Bolıt ta bäläkäy,
Köçek tä bäläkäy.

Bolıt yañgır bulıp kilde,
Köçek yañgırga yuındı.
Bolıt ta bäläkäy,
Köçek tä bäläkäy.

Bolıt eri zäñgär küktä,
Et artınnan moñsu örä:
- Äy, kilgälä, Bolıt!
- Yä, karşıla, Köçek!

Tölkeneñ gömbäläre
(Vladimir Stepanov şiğırneñ tärcemäse)

Tölkeneñ gömbäläre – ber kärcin tulı.
Ayuga avız itsen dip ul bersen birde,

Ä ayu tik bal gına yaratıp aşıy,
Tölkedän gömbälärne hiç bersen almıy.

Ä kuyannıñ mähäbbäte – ballı kişerlär,
Yarata tıçkan koyaşta uñgan börteklär.

Tik kerpe balası gına gömbälär aşıy,
Urmanda üze alarnı tırışıp ezli.

Änigä büläk
(Vladimir Stepanov şiğırneñ tärcemäse)

Sukmaktan bäbkä bara
Sazlangan yılga taba.

Anda yaña torgan baka
«Bak-bak» dip bakıldap tora,

Kömeş sular dulkınlana,
Balık duslaşıp şayara.

Anda iptäş zu-ur çäçäkne
Özep birep yärdäm itte.

Äni-ürdäk öçen çäçäk,
Ber bäbkädän matur büläk.

Cötlär äkiyäte
( Sergey Teterin şiğırneñ tärcemäse)

Mine Maryam irtän irtük
İltep kuya çirämgnärgä.
Mu-u... söt östen häm eremçekne
Şul Märyamkäyem yarata.

Min huş isle bolınnarda
Köne buyı aşap yörim.
Sötem ballı bula, çista!
Tämle bula sötkäylärem!

Yılganıñ su buylarına
Töşep ak suların eçep kiläm.
Äkiyätlär duslar miña
Söylägänen tıñlap kitäm.

Bu kön ütä, koyaş baıy,
Öygä kaytası yul ozın.
- İsänmesez, babay, äbi,
Alıp kilgän sötlärem bu-u.

- Ay, buldıra, sıyırkayım!
Kiçkä karşı bezneñ östäldä
Yaña sözgän söt yanında
Tämle bäliş häm söt öste!

Bal äkiyäte
(Sergey Teterin şiğırneñ tärcemäse)

Çirämdä çäçäk östendä
Bal kortı oçıp yöri.
Kinät, kara bolıt kilgän dä
Zäñgär kükne kaplıy başlıy!

Menä bälä-kaza bulgan-
Suda bal kortı çılangan!
İnde bütän oça almıy ul,
Uyım bal kortnı tartıp algan?

Baka aña salam töşerep
Tirän sudan tartıp algan.
Tıçkan tuñgan kortnı kürgäç uk
Üz şälen birep cılıtkan.

Ä kırmıska aña çilägen
Ezläp yörep tabıp birde.
Bal kortım, bar bolınnarga, dip,
Häyerle yul, dip özattı.

Kiçkä taba tagın kaytkan kort.
Çiläge tatlı bal tulı.
Yärdäm itkän üz iptäşlären
Şul bal belän ul sıyladı!

Yahşılık närsä ikän?
Naçarlık närsä ul?

( V. Mayakovskiynıñ şiğırneñ tärcemäse)

Ätigä malay kilgän.
«Ber sorauım bar, - di. –
Yahşılık närsä ikän?
Naçarlık närsä?»- di.

Yä, sezdän serlärem yuk.
Tıñlagız, balalarım:
Şul ätiseneñ cavabın
Kitapta yazamın.

Cil kubarıp taşlasa
Öyneñ tübälären,
Boz döber-şatır yausa,
Uramda naçar ul.

Ägär yañgır tuktasa,
Koyaşlı, ayaz kön,
Bu bigräk äybät bula,
Härkem söyenäder.

Ägär sin kara bulsañ,
Pıçransa bitläreñ,
Bilgele ki, bik naçar ul
Tän tiresenäder.

Ägär sin teş pastasın,
Sabın yaratasıñ,
Alaysa bik söykemle,
Bik äybät bulasıñ.

Ägär holıksız malay
Kıynasa köçsezne,
Min anıñ turda yazmıym,
Söymim täüfiksezne.

Ä monsı yaklıy: «Timä
Keçe balalarga!»
Bu malay igelekle,
Karap şatlanam da!

Ägär sin kitap yırtkansıñ,
Tupıñnı tişkänseñ,
Balalar siña äytälär:
«Sin naçar bulgansıñ».

Ägär sin eş yaratasıñ
Häm kitap ukıysıñ,
Üzeneñ turda yahşı dip
Süzne işeterseñ.

Kargadan ber it bükäne
«Ay!» dip yögerep çaptı.
Bu malay kurkak bulgandır,
Ul bigräk naçar buldı.

Ä monsı sabıy bulsa da,
Usal kazga karşı tora.
Bu äybät, batır bulgandır,
Gomerendä ul kiräk bula.

Ä monsı sazlıkka kergänder,
Külmäge pıçranıp bette.
Anıñ turda äyterlär äle:
«Ul äşäke, şapşak buldı».

Monsı iteklären üze çistarta,
Uze kalüşlären yuadır.
Ul äle bäläkäy bulsa da,
Şulay da äybät buladır.

Onıtma sin şunı, balam,
Hätereñdä kalıp torsın:
Ägär sin çuçka buldıñ,
Üskäç duñgız bularsıñ.

Häm malay söyenep kuygan,
Üzenä ber karar itkän ul:
«Min yahşı bala bulam,
Hiç naçar bulmamın».