Şiğırlär - Fäyzerahman Häybullin

Mäşhür märhüm şağıyr Gabdulla äfändegä


(«Kara urman» köyenä)

Meñ täässef tä az kürenäder
Milli köygä şiğır yazganga;
Ukıgan da sayın küñlem tula —
Däva beläm bäğrem sızganga.

Neçkä tamırlarga his birüçe —
Ütep kitte şağıyr Gabdulla;
Ülgän yöräklärne küp tereltteñ,
Şayät ontılmassıñ küp yılda.

Yazuçı ideñ süzneñ tämen belep,
Härkayusın tuğrılık belän;
Ruhıña härkön cide Korän
Bagışlaganda da az beläm.

Älhasil, dust, kitteñ bezne taşlap,
Hak yazmışı bulgaç — çara yuk;
Mäñge kalır ismeñ, dävam itär,
Yädkyär bezdä şayät şulay uk.

Barçamız da şunı kötmäktä bit:
Kaçan kilep citär kizüe,
Rabbem üze rähmät nurın saçep,
Şaytan lägıyn bezdän bizüe.

Härni bulsa, täqdirgä täbdil (1) yuk —
Aslı garäplärneñ mäqale.
Mäğnäle şiğreñ här kön ukıp,
Doga kıylam şul uk hatäme (2)

Küñel kütärä

Ak İdel buyların küp yöredem,
Sahra gizep sarı at belän;
Cihangizlek şulay tanıştırıp,
Ber tuganday itä yat belän.

Ber min tügel, bik küp cihan gizep
Yörüçelär härber illärdän.
Rähätennän kübräk mihnät kürep,
Gomer ütä zaiğ (3) bezlärdän.

1 Täbdil — almaş.
2 Hatäme — süzne (hatämne?).
3 3aiğ — faydasızga, buşka.