🕙 1-minute read

Милли Моңнар!

Each bar represents the percentage of words per 1000 most common words.
Total number of words is 91
Total number of unique words is 80
62.4 of words are in the 2000 most common words
71.1 of words are in the 5000 most common words
77.2 of words are in the 8000 most common words
  Ишеттем мин кичә: берәү җырлый
  Чын безнеңчә матур, милли көй;
  Башка килә уйлар төрле-төрле, —
  Әллә нинди зарлы, моңлы көй.
  
  Өзлеп-өзлеп кенә әйтеп бирә
  Татар күңле ниләр сизгәнен;
  Мискин булып торган өч йөз елда
  Тәкъдир безне ничек изгәнен.
  
  Күпме михнәт чиккән безнең халык,
  Күпме күз яшьләре түгелгән;
  Милли хисләр белән ялкынланып,
  Сызлып-сызлып чыга күңленнән.
  
  Хәйран булып җырны тыңлап тордым,
  Ташлап түбән дөнья уйларын;
  Күз алдымда күргән төсле булдым
  Болгар һәм Ак Идел буйларын.
  
  Түзалмадым, бардым җырлаучыга,
  Дидем: «Кардәш, бу көй нинди көй?»
  Җавабында милләттәшем мина:
  «Бу көй була, - диде, - «Әллүки»!»
You have read 1 text from Tatar literature.