Latin

Владик Батманован сифте камар

Total number of words is 258
Total number of unique words is 185
0.0 of words are in the 2000 most common words
0.0 of words are in the 5000 most common words
0.0 of words are in the 8000 most common words
Each bar represents the percentage of words per 1000 most common words.
Вуч хъсан я, къе чи поэзиядиз цӏийи жегьилар къвезва. Абурун арада чӏал кани, чил кани, эл кани са жегьил- зи МЕРД ЗАРИ Владик иллаки тафаватлу жезва. Адакай хъсан шаир жедайдал зун чӏалахъ я. Вучиз лагьайтӏа, адаз михьи РУЬГЬ ава. И къени къилихрин гададин таза цӏарара Ракъинин нурари, пак ашкъиди, кьелечӏ гьиссери адан пакахьан йикъакай муштулух гузва. Ваз агалкьунар хьурай, Мерд Зари.
Батманов Владик Нафирович 1995 йисан 16 октябрдиз Дагъустан Республикадин Хуьрелрин хуьре дидедиз хьана. Владикан туькӏуьрунар райондин "Самурдин сес", республикадин "Лезги Газет", "Жегьил сесер" газетра мукьвал-мукьвал чапзава... Лагьана канда хьи, алатай йисуз "Куьредин Ярар" тlвар алай медениятдин маканди Владик Батманован "Билбил" тlвар алаз шииррин сифте улуб кlелдайбурув агакьарна... Ам "Куьредин Ярар" тlвар алай медениятдин макандин член я. Ада алай вахтунда Социально-педагогический колледждин 2 курсуна вичиз кlелунар давамарзава...

Эйваз Марвар
Журнал "АЛАМ"

Батманов Владик

Лезги Чӏал
(шиир)

Лезги чlалан пак гафарихъ галаз зун,
Таниш тир амаз гьеле кьепlина
И дуьньядиз эбеди яз зи чlал вун-
Машгьурна лап Сулеймана, Эмина.
Асирра ваз дерин тарих авазва,
Агъзурал кас лезги чlалал рахазва,
Каинатда-тарифди вун жакьвазва,
Вачед тур хьиз хупӏ хци я, лезги чlал.
Чи гафарган гуьрчег я генг яйлах хьиз,
Чи гьар са гаф заз михьи я булах хьиз,
Хуш я рикlиз вакай шиир мад кхьиз,
Тlебиатдин наз, гуьзгуь я, лезги чlал.
Зи багъри чlал аманат я бубайрин,
Диде я ам векlегь, уьтквем рухвайрин,
Сагьиб я, чlал зериф, кьезил гафарин,
Зи гьиссерин иеси я, лезги чlал.
Ви гьар са гаф гьар лезгидин дарман я,
Ви гьар са гьарф багьа якъут, мержан я,
Зи лезги чlал, Лезгистан зи ватан я.
Владиказ чан хьиз кани, Лезги чlал.
You have read 1 text from Lezgian literature.