Равза - 07
1 Пайхаммарны къызы.
2 Пайхаммарны къатыны.
3 Хадижатун-кубра – Пайхаммарны биринчи къатыны.
4 Хадижатдан пайхаммаргъа 4 къыз 2 улан болгъан. Пайхаммарны
наслулары Хадижатдан яйылгъан.
5 Аллагьым гетермесин.
229
Мен Сагъа ялбарайым
Сари яв 1 йимик ирип.
Ирип бара санларым,
Гьабибге гьашыкъ болуп,
Оьлсемде къайырмайман
Байтуллагьны да гёрюп.
Гёрейим байтуллагьны,
Таваф этип, айланып,
Игьрам халатын гийип,
Яшыл чалмасын чалып.
Чалманы чалмайман деп
Гьеч юрегим эришмей,
Оьлюп къалырмукенмен
Байтуллагьгъа етишмей?
Таваф этип айланып,
Сапа-Марвадан ёртуп,
Оьлсемде къайырмайман
Гьажарул-асвадны оьбюп.
Гьажарул-асвад мукен
Шапаатлар этеген,
Оьзюню оьпкенлени
Женнетге алып гетеген.
1 Сари май.
Женнетине гирежек
Герти талайлы къуллар,
Байтуллагьгъа етежек
Дуа къабул болгъанлар.
Дуаланы къабул эт, Аллагь
Байтуллагьгъа етейим,
Беш де парзны тюз этип
Ахыратгъа гетейим.
Ахырат сапарым бар
Гьали магъа бармагъа,
Шу сапаргъа азыгъым
Болмайман онгармагъа.
Азыгъым аз алмагъа
Ёлум йыракъ бармагъа,
Мен пакъыргъа амал ёкъ
Онда бармай къалмагъа.
Шу сапарым тынч этип,
Гунагьларымдан гечип,
Гъафурун-Рагьимсен Сен 1
Боласан рагьму этип.
Сен магъа рагьму этмесенг,
Герти тавба этмесем,
1 Гунагьланы гечеген рагьмулу Аллагьсан Сен, деген маънада.
230
231
Мен зайыпгъа амал ёкъ,
Жагьаннемге гетмесем.
Пайхаммаргъа макътавлар
ва салаватлар
Жагьаннемингден къоркъуп
Мен тюгюлмен къайгъырмай,
Юхуда да, уявда
Гьеч юрегим айрылмай.
Аллагьгъа гьар-бир макътав
Оьзю бизин яратгъан.
Гьабибге уммет этип,
Ислам динге къаратгъан.
Гьеч юрегим айрылмай
Къолларым ишлей туруп,
Мен Сагъа къычыраман
Барагъанда да юрюп.
Ислам динге къаратды,
Гьабибге уммет этип.
Ону макътавун этме
Инсан болмажакъ етип.
Юрюп барагъанда да
Мен Сагъа къычыраман,
Сени рагьмунг болмаса
Мени гьалым кёп яман.
Аллагьдан къайры гиши
Болмас макътавун этме.
Аллагь Оьзю чакъыргъан
Гёрюп сугьбатын этме.
Аллагьдан рагьму излейген,
Мен зайып Абдулгъани,
Дуадан айырмагъыз
Дин къардашлар, сиз аны.
Арив сугьбатын этген
Аршурагьмангъа барып 1.
Аллагьын аян гёрюп 2
Къайтгъан кёп илму алып.
Гьар вакъти дуа этигиз,
Дин къардашлар сиз бизге,
Гьабибимден шапаат
Аллагь рагьму этсин сизге.
Гьабибим баргъан ерге
Инсан болмажакъ етип.
232
1 Аллагь яратгъан аршгъа барып, деген маънада.
2 Пайхаммар Аллагьны гёрген кююн сыпатлап биревге де ачыкъ
этмеген. Пайхаммар Аллагьны не сыпатда гёрген экен деп гьайин
этегенлер адашгъанлардыр.
233
Гьали биз йыбанайыкъ,
Ону макътавун этип.
Нечакъы макътав этсе
Етишмей ону гьакъы.
Гьабибге салат-салам 1
Арш, курс, кёк, ерлер чакъы.
Нечакъы макътав этсе
Етишмей ону гьакъы.
Гьабибге салат-салам
Бары малаклар чакъы 2.
Нечакъы макътав этсе
Етишмей ону гьакъы.
Гьабибге салат-салам
Ай, гюн 3 ярыгъы чакъы.
Нечакъы макътав этсе
Етишмей ону гьакъы.
Гьабибге салат-салам
Кёкдеги юлдузлар чакъы.
Нечакъы макътав этсе
Етишмей ону гьакъы.
Гьабибге салат-салам,
Кёкден тюшген чыкъ чакъы.
Нечакъы макътав этсе,
Етишмей ону гьакъы.
Гьабибге салат-салам
Машрикъдан, Магърип чакъы 1.
Нечакъы макътав этсе
Етишмей ону гьакъы.
Гьабибге салат-салам
Тав, таш, чакъалар чакъы.
1 Пайхаммаргъа салаватлар ва саламлар болсун деген маъна.
Пайхаммаргъа салаватлар болсун деген затны маънасы: Аллагьны
рагьмусу да, гечмеклиги де, разилиги де болсун Мугьаммад
пайхаммаргъа, деген маъна. Пайхаммаргъа Саламлар болсун,
деген затны маънасы буса: Мугьаммад пайхаммар Аллагь
яратгъан затланы арасында инг де улусу ва сыйлысы болмакъгъа
гёре, Аллагьны ягъында инг де уллу макъамларда, даражаларда
болмакъгъа гёре, Аллагь огъар Оьзюню янында онгаргъан
тагьияятланы, яхшылыкъланы гьисап этип, Мугьамматгъа
Аллагьны уллу болгъан ва пайхаммаргъа этилинме тийишли
болгъан сыйлавлары ва тагьияятлары болсун, деген маъна.
2 Бары да малайиклени санаву чакъы.
3 Айны ва гюнню.
1 Гюнчыгъыш якъны да, Гюнбатыш якъны да арасындагъы
мезгили чакъы пайхаммаргъа салаватлар, саламлар болсун, деген
маънада.
234
235
Нечакъы макътав этсе
Етишмей ону гьакъы.
Гьабибге салат-салам
Агъачлар, тереклер чакъы.
Нечакъы макътав этсе
Етишмей ону гьакъы.
Гьабибге салат-салам
Ердеги яшыл от чакъы.
Нечакъы макътав этсе
Етишмей ону гьакъы.
Гьабибге салат-салам
Денгизде балыкълар чакъы.
Нечакъы макътав этсе
Етишмей ону гьакъы.
Гьабибге салат-салам
Дюньядагъы хум чакъы.
Нечакъы макътав этсе
Етишмей ону гьакъы.
Гьабибге салат-салам
Гьайванлар-жанлар чакъы.
Нечакъы макътав этсе
Етишмей ону гьакъы.
Гьабибге салат-салам
Дюньядагъы чанг чакъы.
Нечакъы макътав этсе
Етишмей ону гьакъы.
Гьабибге салат-салам
Инсан, жин, шайтан чакъы.
Нечакъы макътав этсе
Етишмей ону гьакъы.
Гьабибге салат-салам
Дюньядагъы йыл чакъы.
Нечакъы макътав этсе
Етишмей ону гьакъы.
Гьабибге салат-салам
Къуръанны гьарпы чакъы.
Нечакъы макътав этсе
Етишмей ону гьакъы.
Гьабибге салат-салам
Агъагъан сувлар чакъы.
Нечакъы макътав этсе
Етишмей ону гьакъы.
Гьабибге салат-салам
Къуръан гьарака 1 чакъы.
Нечакъы макътав этсе
Етишмей ону гьакъы.
Гьабибге салат-салам
Денгиздеги сув чакъы.
Гьабиб учун яралгъан
Бар 2 махлукъ, бар аламы.
236
1 Къуръанны гьаракалары.
2 Бары да.
237
Бизин Гьабибге тюшген
Сыйлы Къуръан каламы.
Аллагь болсун яныбыз
Гьабибимден шапаат.
Бизин йимик зайыплар
Бир Аллагьгъа аманат.
Ол Гьабибни, Къуръанны
Герек къадрусун билме 1.
Шолай кёп ниъмат берген
Аллагьгъа шюкрю къылма.
Хошгелдинг сен, Мугьаммад
Булай уллу ниъматны
Ярайму къойма унутуп.
Уммет болма къарайыкъ
Парз, сюннетин юрютюп.
Хошгелдинг, хошгелдинг, Мугьаммад Агьмад
Сени сыйлы этди Агьадун-Самад 1.
Сен гелип яйылды дюньягъа рагьмат
Сен хошгелдинг бийим, саййид я Расул!
Парз, сюннетни къылайыкъ,
Салаватны кёп салып.
Магьшаргюн бизге къарар
Шапаат этип алып.
Хошгелдинг, хошгелдинг, аламны бийи!
Аллагьны ягъында оьр болгъан сыйы.
Талайлы умметни сен болдунг бийи,
Сен хошгелдинг бийим, саййид я Расул!
Шапааты борч бола
Тынглагъан сизге-бизге.
Мени дин къардашларым,
Дуа аманат сизге.
Сени учун яралды бар 2 махлукъ алам,
Сыйлылыгъынг 3 язма болурму къалам!
Сизге дуа аманат,
Мен зайып Абдулгъани.
Бары ислам агьлюню
Бир Аллагь болсун яны.
1 Хадырын билме.
238
1
Агьадун – Аллагьны атларындан бириси, муну маънасы:
Оьзюнден къайры биревге де къуллукъ этилинмейген
Аллагь, Оьзюгер ошайгъан гьеч бирев де ёкъ Аллагь, Оьзюню
сыпатларында ва ишлеринде ортакъчысы ёкъ Аллагь, Оьзюню
Аллагьлыгъында бир болгъан Аллагь.
Самад – Аллагьны атларындан бириси, муну маънасы: Дюньяны
къыйынлыкъларындан,
ахыратны
къыйынлыкъларындан
къутгъарагъан Аллагь, бары да махлукъатлар Оьзюгер ялбарагъан,
Оьзюнден кёмек тилейген Аллагь, пача болмакълыгъында, гьаким
болмакълыгъында камил болгъан Аллагь.
2 Бары да.
3 Сыйлылыгъынгны, сагъа макътав этмекни.
239
Сагъа болсун Аллагьдан юз минг салам.
Сен хошгелдинг бийим, саййид я Расул!
Я Расул Аллагьны саламы сагъа,
Я Гьабиб Аллагьны саламы сагъа,
Умметни табиби 1 кёп салам сагъа,
Сен хошгелдинг бийим, саййид я Расул!
Сен гюн йимик дюньягъа бердинг ярыкъ,
Бары сыйлы саламлар сагъа тарыкъ,
Кёп шюкрю макътавлар Аллагьгъа лайыкъ,
Сен хошгелдинг бийим, саййид я Расул!
Сен тувгъанда кёк, ер нюрюнгден толгъан,
Малайиклер гьар яндан айландыргъан
Гьар-бир махлукъ сююнч хабарлар яйгъан,
Сен хошгелдинг бийим, саййид я Расул!
Сагъа уммет этди куллю 1 аламны,
Сагъа берди сыйлы Къуръан каламны.
Сен бийисен бар махлукъ 2 бар аламны,
Сен хошгелдинг бийим, саййид я Расул!
Сен дюньягъа гелдинг умметинг тилей,
Умметим деп гетдинг дюньядан йылай,
Къабурунгда турарсан бизин излей,
Сен хошгелдинг бийим, саййид я Расул!
Аллагь сагъа сёйледи: «Гьабибим – деп,
Не тилесенг – деди – къабул болур – деп,
Магьшаргюнде сени рази этермен» деп,
Сен хошгелдинг бийим, саййид я Расул!
Аллагьынга йыгъылдынг сужда къылып,
Биздей зайып умметни гьалын билип,
«Рази болман уммет жагьнамгъа гирип» 3,
Сен хошгелдинг бийим, саййид я Расул!
Сени нюрюнг артыкъ гюнден, айдан да,
Сендей гиши табулмажакъ къайдан да,
Сен болмасанг къалыр эдик майданда,
Сен хошгелдинг бийим, саййид я Расул!
Гёрмей туруп къуванабыз оьзюнгден 4,
Аллагьынга сени айтагъан сёзюнгден,
Оьз нюрюнден яратды загьир этип,
Аллагь сени чакъырды къонакъ этип,
Сенден къайры болмады онда етип
Сен хошгелдинг бийим, саййид я Расул!
1 Бары да.
2 Бары да махлукъну.
3 «Аллагьым, рази болмайман умметим жагьаннемге гирсе» деген
маънада. Къыяматгюн суждасында Аллагьына шулай айтажакъ.
1 Умметни доктору, сав этивчюсю деген маънада.
4 Гьей Мугьаммад пайхаммар биз сени гёрмей туруп сенден
къуванабыз, сююнебиз.
240
241
Аллагьны гьюрмети учун салма гёзюнгден 1,
Сен хошгелдинг бийим, саййид я Расул!
Сен чакъырсанг гелди тереклер, ташлар,
Герти этди бешигиндеги яшлар,
Тасбигь этди сени къолунгда ташлар,
Сен хошгелдинг бийим, саййид я Расул!
Тасбигь этди ташлар сени къолунгда,
Бу жаныбыз къурбан сени ёлунгда,
Гьайванлар сёйледи сени алдынгда,
Сен хошгелдинг бийим, саййид я Расул!
Ташлар шагьат болду сени герти этип,
Тереклер йыгъылды сагъа сужда этип,
Жансыз жамадатлар 2 танып герти этип,
Сен хошгелдинг бийим, саййид я Расул!
Аллагь сени сыйлы этди гьар затынгны,
Аты булан къошуп язды атынгны,
Билмейбиз макътайыкъ къайсы затынгны,
Сен хошгелдинг бийим, саййид я Расул!
Жыйылгъанбыз сени макътавунг этме,
Сагъа макътав этип ким болур етме?
Сен гел бизин гёрюп шапаат этме,
Шапаатынг умутлайбыз, я Расул!
Инангъанбыз сени биз гёрмей туруп,
Сагъа макътав этебиз гёрмей 1 туруп,
Шапаат эт сен бизин гелип гёрюп,
Шапаатынг умутлайбыз, я Расул!
Ахыр заман зайып сени умметинг,
Умметингдир унутулмайгъан затынг,
Я Гьабибим, эт бизге шапаатынг,
Шапаатынг умутлайбыз, я Расул!
Мусыбат кёп болду бизин сынама,
Я Аллагьым сабурлукъ бер чыдама.
Я Гьабибим гелдик сенден тилеме,
Шапаатынг умутлайбыз, я Расул!
Алимлер болмады амалын этме,
Амал этип шариатын тюз этме,
Мюридлер болмады муратгъа етме,
Магьрюм къалдыкъ бийим, саййид я Расул!
1 Къыяматгюн шапаат этмейли сен бизин ташлап къойма, деген
маънада.
2 Жансыз затлар: ташлар, тереклер, тавлар, денгизлер, айлар,
юлдузлар ва оьзге затлар. Гертиден де бу затлар барысы да
пайхаммарны гьакълыгъына шагьатлыкъ этген.
1 Абдулгъанини къызыны уланы Абубакар «Гёрмей» деген сёзню
орнунда «Эретуруп» деген сёзню къоллай. «Эретуруп» деген сёз
бу ерге арив къыйыша, неге тюгюлде бу шиъру кёбюсю гьалда эре
туруп охулагъан саялы.
242
243
Гунагьлыбыз, къара сагъа юзюбюз,
Гьарам затдан сакъламайбыз гёзюбюз,
Загьиринде арив бизин сёзюбюз,
Тюз турмакъ чы къайдан бизге, я Расул!
Ол1 магьшаргюн гьисап, мизан2 къургъанда
Аллагь Оьзю Къази болуп тургъанда 3,
Бар аламгъа къоркъув тюшюп къалгъанда,
Шапаатынг умутлайбыз, я Расул!
Жагьаннем гелгенде къаравул этип,
Асси къулланы бер деп талап этип,
Сен Аллагьгъа ялбаргъанда сужда этип,
Шапаатынг умутлайбыз, я Расул!
Я Сыддыкъым 4 гелгенбиз сенден тилей,
Умар фарукъ сагъа баш уруп йылай,
Осман, Али сизден бир мадад 5 излей,
Шапаатынг умутлайбыз, я Расул!
Я Патимат, ялбара гелдик сизге,
Гьасан-Гьюсен кёмек этигиз бизге,
Агьлю байт баш ура гелдик биз сизге 1,
Шапаатынг умутлайбыз, я Расул!
Рагьим Аллагь, хазналары кёп Аны,
Гьабибимдир зайып умметни яны.
Сизге аманат бу зайып Абдулгъани
Шапаатынг умутлайбыз, я Расул!
Гьабибни къадрусу
Расул дюньягъа гелди
Сужда этип, йылай туруп,
«Умметим-умметим» деп,
Аллагьдан тилей туруп.
Умметим-умметим деп,
Къалды дюньядан гетип,
Салаватны кёп салсакъ
Къарар шапаат этип.
1 О.
2 Гьисап – Дюньяда этген амалларына сорав алмакъ.
Мизан – муъминлени дюньяда этген яхшы амаллар болду,
яман амаллар болду барын да тартып оьлчейген мизан терезе.
3 Къыяматгюн гьукму этмеге башлагъанда.
4 Абубакар сыддыкъ деген пайхаммарны асгьабасы.
5 Кёмек.
1 Абдулгъани булай сыйлы адамлагъа ялбарагъаны, олардан
кёмек тилейгени тавассул якъдандыр. Ислам динде тавассул
этмеге ярата. Ислам диндеги тавассулну маънасы Пайхаммарланы,
валилени, амал этеген алимлени яхшы гишилени арагъа салып
Аллагьдан тилемек, яда тувра оьзлерден шапагьат тилемек.
Неге тюгюлде олар оьлмегендир, олар сав заманындан да арив
эшитедир, олар дуньядегилеге дуа да этип боладыр, Аллагь оланы
дуасына жавап бермекликге шеклик ёкъ.
244
245
Тургъан чакъы дюньяда,
Оьлген сонг къабурда да,
Биз болабыз къайгъысы,
Къабурдан тургъанда да.
Бизге де ярамайму
Гьабибни къадрусун билме?
Магьшаргюн женнетни ачар,
Зайып умметге гирме.
Мен зайып Абдулгъани,
Сёйлейген мени сёзюм,
Къастым шоланы этме,
Етип болмайман оьзюм.
Гьар бирисин юрютме,
Аллагь рагьму этсин бизге,
Мени дин къардашларым
Дуа аманат сизге.
Мугьаммад пайхаммарны
гьакъындан къысгъача
эсгеривю
Аллагьгъа гьар-бир макътав,
Оьзю бизин яратгъан,
246
Ислам динге тюз этип,
Азалда къалам тартгъан 1.
Шюкрю макътав Аллагьгъа,
Уммет этип къаратгъан,
Кёкню, ерни, аламны,
Гьабиб учун яратгъан.
Рабиул-аввал айда
Расул дюньягъа гелген.
Бар 2 махлукъ бир-бирине
Сююнч хабарлар берген.
Расул дюньягъа гелди,
Он экинчи гечеси,
Къалалар, тахлар, ханчлар
Увалдылар нечеси.
Ражаб айны ичинде
Расул миъражгъа чыкъды 3.
Гьакъ динни загьир этип
Батил 4 динлени йыкъды.
1 Азал илмусунда бизин бусурманлардан этген, деген маънада.
Аллагьны азал илмусу деген затны маънасы Аллагьны илмусуну
аввалы ёкъ деген маънадыр.
2 Бары да.
3 Кёкге гётерилди.
4 Ялгъан.
247
Ражаб айны йигирма
Еттинчиси гечеси,
Кёклер, ерлер, малаклар 1,
Сююндюлер нечеси.
Тажны да, буракъны да 2,
Жабрайил гелди, алып.
Аллагьын аян гёрдю
Аршурагьмангъа барып.
Шу сапарындан къайтгъан
Кёп аламатлар гёрюп.
Ажайып илмулардан
Кёкюрегин толтуруп.
Аллагь булан да сёйлеп
Гёзю булан да гёрген 3.
Салаватны кёп салсын
Гьабибге уммет болгъан 4.
Ражаб ай гелгендедир
1 Малайиклер.
2 Пайхаммарыбыз кёкге гётерилеген гече Маккадан Ерусалимдеги
масжидул-Акъсагъа ерли минип баргъан жанны аты.
3 Пайхаммар Аллагьны гёрген кююн сыпатлап биревге де ачыкъ
этмеген. Пайхаммар Аллагьны не сыпатда гёрген экен, деп гьайин
этегенлер адашгъанлардыр.
4 Мен Мугьаммад пайхаммарны умметинденмен деп айтагъан
гиши.
248
Женнетлени ачагъан.
Оьлюлеге, савлагъа
Аллагь рагьму чачагъан.
Ражабда урлукъ чачса,
Шаъбандыр сугъарагъан.
Бараат гечеси бар,
Аллагьгъа ялбарагъан.
Аллагьгъа ялбаргъанлар
Къолуна гьакъын алыр.
Ол гече къапул тургъан
Гьар яндан магьрюм къалыр.
Ражабда урлукъ чачса,
Шаъбандыр сугъарагъан,
Гёзел шагьру рамазан
Чачгъанны оруп алагъан.
Рамазан айны ичинде
Лайлатул-къадир гече
Шо гече ялбаргъанлар
Алыр даража нече.
Рамазанны сыйласа
Таравигьлерин кютюп,
Шаввалдан алты гюнню
Иертип 1 ораза тутуп.
1 Иертип- ара бёлмей.
249
Шолай тутгъан къулланы
Аллагьым Оьзю гёрюр
Савлай йыл оразаны
Тутгъан савабы болур.
Оьз мурадыма болмадым етип,
Бизин де къоюп барасан гетип,
Къарарсан бугъай шапаат этип
Алвадаал-вадаа рабиул-аввал.
Гьали сен савбол рабиул-аввал
Шапаат этип бизин тартарсан,
Бизден Гьабибге салам айтарсан,
Яхшы ёл сагъа гьазир къайтарсан,
Алвадаал-вадаа рабиул-аввал.
Рабиул-аввал, сен гелдинг етип,
Сени сыйладыкъ хошгелди этип,
Бизин де къоюп барасан гетип,
Алвадаал-вадаа рабиул-аввал 1.
Сенден къуванып турадик 2 тилей,
Мавлетлер этип биз сени сыйлай,
Ол Гьабибимден шапаат излей
Алвадаал-вадаа рабиул-аввал.
Ялкъдынгму бизден неге гетесен,
Йылда бир гелип къоюп оьтесен,
Сен мени алмай неге гетесен,
Алвадаал-вадаа рабиул-аввал.
Сенден айрылмай сюедик 3 гелме,
Гьабибим учун жаныбыз берме,
Сенден къуванып болмадыкъ оьлме,
Алвадаал-вадаа рабиул-аввал.
1 Гьали сен савбол рабиул-аввал.
2 Тура эдик.
3 Сюе эдик.
250
Болжал етмесе гёрербиз гелип,
Сени сыйларбыз хошгелди берип,
Шонда чы боларман айрылмай гелип,
Алвадаал-вадаа рабиул-аввал.
Сен къайтып гелме он бир ай къалды,
Шавукъ юреклер леззетинг алды,
Сени артынгдан гёзюбюз къалды,
Алвадаал-вадаа рабиул-аввал.
Сени артынгдан биз къалдыкъ йылай,
Ол Гьабибимден шапаат излей,
Сизин къадругъузну 1 тюгюлбюз билмей,
Алвадаал-вадаа рабиул-аввал.
Сен оьзюнг гёрдюнг гьашыкълар кимдир,
Шавукълуланы Гьабибге билдир
1 Хадырыгъызны.
251
Зайып умметбиз, къастыбыз недир,
Алвадаал-вадаа рабиул-аввал.
Бу ислам динни къастыбыз тутма,
Расулну сюннетин къоймай юрютме,
Сиз де ярарму бизин унутма
Алвадаал-вадаа рабиул-аввал.
Бизин унутма ярарму сизге,
Шапаат этмей гьар вакъти бизге,
Бизин аманат этдик биз сизге
Алвадаал-вадаа рабиул-аввал.
Аманатыбыз алып гетерсен,
Магьшар майдангъа гелип етерсен,
Герти шагьатлыкъ шонда этерсен,
Алвадаал-вадаа рабиул-аввал.
Юрек токъташып инандыкъ сизге,
Шапаатыгъыз борч бола бизге,
Ялбара, йылай гелгенбиз сизге,
Алвадаал-вадаа рабиул-аввал.
Бек зайып гьалым, мен Абдулгъани,
Гьабибим болсун гьар вакъти яны,
Дуагъа къошмакъ умутлайгъаны,
Алвадаал-вадаа рабиул-аввал.
Дин къардашларым, дуа аманат,
Аллагьдан явсун умметге рагьмат
Гьабибим этсин бизге шапаат,
Алвадаал-вадаа рабиул-аввал.
Магьшар майдангъа гелерсен етип,
Гёргенинг айтып шагьатлыкъ этип,
Гьабибим алыр шапаат этип,
Алвадаал-вадаа рабиул-аввал.
Шапаат этер къувангъанлагъа,
Мавлетлер охуп йыбангъанлагъа,
Юрек токъташып инангъанлагъа,
Алвадаал-вадаа рабиул-аввал.
252
253
Тарикъат бёлюк
Камил мюршид
Аллагь язгъан къадардан
Инсан болмажакъ оьтме.
Къулгъа ихтияр берген
Оьзюгер сюйгенни этме.
Бисмиллагь деп башлайым,
Аллагьны атын тутуп.
Аллагьны гьюрмети учун
Къойма мюршид унутуп.
Ихтиярны, къадарны,
Аввал язгъан къаламы.
Гьар-бир затны билдирме,
Тюшдю Къуръан каламы.
Аллагьгъа гьар-бир макътав,
Оьзю бизин яратгъан.
Гьабибге уммет этип
Ислам динге къаратгъан.
Сыйлы Къуръан калам бар
Гьакъ-батынны ачагъан 1.
Нечесе алимлер бар,
Гьакъ затны айтмай янчагъан.
Ислам динге къаратдынг
Бизге кёп ниъмат этип.
Ниъматларынга гёре
Болмайбыз шюкрю этип.
Шюкрю макътав Аллагьгъа,
Бизге рагьму этеген.
Оьзю сюйген къулланы
Тюз ёлгъа тюз этеген.
Тюз ёлгъа тюз этеген,
Къулларына рагьму этип,
Аллагь тюзлемегенлер
Болмай тюз ёлдан гетип.
254
Гьакъ затны айтмай янча
Гёзлери булан гёрюп,
Батын затны 2 герти эте
Замангъа гёре юрюп.
Заманагъа 3 къыйыша
Мусыбатлардан къачып.
Язгъан къадары гелер,
Сюйген ерден къапу ачып.
Гьар ким оьлюмден къоркъуп
Давну ичинде къыйналса.
1 Тюз ёлну гёрсетеген.
2 Тюз затны.
3 Заманлагъа.
255
Къыйналгъаны, талгъаны,
Герек хайыргъа къалса.
Умут есси етишмес
Умут этип къавшалып.
Къадарда язмагъанын
Болмас нетседе 1 алып.
Азиз жанын къызгъанса
Бегитип гьар-бир санын.
Хапарсыз гелип тутар
Къалдырып болмас жанын.
Юз минг асгер жыйса да
Гючюн, къудратын салып,
Асгери пайда бермес.
Болмас оьлюмден къалып.
Нечакъы мал жыйса да
Гьаракат талап этип.
Ажжал гюню гелгенде
Болмас малы пайда этип.
Табунун уллу гёрюп,
Турса оьктемлик этип,
Табуну, улан-къызы
Болмас огъар пайда этип.
1 Не этсе де.
256
Бары махлукъ бир болса
Болмажакъ кёмек этме.
Мюгьлети 1 алышынып,
Болмас ажжалдан оьтме.
Мусыбатдан, балагьдан
Къутулма сюйсе юрек,
Агьлуллагьны халкъына 2
Ялбарса болур кёмек.
Агьлуллагьны халкъына
Герти къувун салмайлы,
Биздей гунагьлылагъа
Шолар шафиъ болмайлы 3.
Пайхаммарлар, шайыхлар,
Авлияълар етеген.
Биздейлер къувун салса
Шапаатын этеген.
Кавнайниге, барзахгъа 4,
Булар барып етелер.
1 Болжалы.
2 «Агьлуллагь» деп айтылына Аллагьны ювукъ къулларына
пайхаммарлар йимик, валилер йимик, шайыхлар йимик, алимлер
йимик, Къуръанны охуп, ону булан амал этегенлер йимиклеге.
3 Олагъа къувун салса амал ёкъдур олар бизге шапаат этмейли,
деген маънадыр.
4 Кавнайн – жинлени де, инсанланы да аламлары.
Барзах – къыяматгюн болгъунчагъа оьлгенлени жанлары
жыйылагъан бир ерни аты.
257
«Гьей бийлер» деп къычырса,
Гьазир кёмек этелер.
Мюршидун камиллердир 1
Тюз ёлгъа тюз этеген.
Булардан кёмек сююп
Кимни болса тилеги 1
Мен-менлик, уллулукъдан
Боп-бош болсун юреги.
Аллагьым Оьз нюрюнден
Бу Гьабибни яратгъан.
Сыйлы Къуръан каламда
Яратгъанын англатгъан.
Булагъа инкарланы 2
Аллагь мажлисин тозар.
Машайыхлар бир созса
Яманокъ уллу созар.
Гьабиб учун яратды
Бар 2 махлукъ бар аламны.
Бу Гьабибге тюшюрдю
Сыйлы Къуръан каламны.
Бир созса уллу созар
Буланы къойма тарыкъ.
Булагъа инангъанны
Магьшаргюн юзю ярыкъ.
Гьабибге Къуръан тюшдю,
Бар затны ачыкъ этме
Гьеч мюршидун камилсиз
Болмас Аллагьгъа етме.
Минг китабын охуса
Минг йыл рияза этип 3,
Гьеч мюршидун камилсиз
Болмас Аллагьгъа етип.
Аллагьны валилери,
Пайхаммарны вариси,
Къувун салса етише
Буланы гьар-бириси.
Гьеч гиши васитасыз 4
Болмай Аллагьгъа етип.
Сыйлы Гьабиб Агьматгъа,
Халипалыкъ этеген,
1 Тилевю.
2 Аллагьны валилери барлыгъына,
барлыгъына инанмайгъанланы.
258
оланы
караматлары
1 Герти устазлардыр.
2 Бары да.
3 Устазгъа тагъылмайлы нечакъы кёп ибадатлар булан машгъул
болса да, деген маънада.
4 Силсиладан узулмай гелген камил устазсыз, деген маънада.
259
Мюршидлер етишдире
Тувра Аллагьгъа элтип.
Мугьаммад Мустафадыр 1
Ярыкъ нюрлер салынгъан.
Бары пайхаммарлагъа
Оьзюнден нюр алынгъан.
Мюршидун камиллердир
Буланы ёлун тутгъан.
Таза Аллагьгъа багъып
Агьлю, яш, малны унутгъан.
Шайыхлардыр Аллагьдан
Къапул болмай турагъан.
Аллагь буюргъан ерге
Балагьланы бурагъан.
Мюршидун камиллердир
Напс шайтанны оьлтюреген.
Балагьланы гери уруп
Ниъматлар гелтиреген 2.
Я Рабби, Сен рагьму эт
Расулгъа, агьлюсюне.
Асгьабалары булан
Яшына, уллусуна.
Я Рабби, Сен Рагьму эт
Шайыхлар булан бизге.
Бары ислам агьлюге
Бизин улан-къызгъа.
Я Рабби, Сен тавпикъ бер
Байтуллагьгъа 1 бармагъа.
Гьабибге къонакъ болуп
Равзасында 2 къалмагъа.
Я Рабби, Сен тавпикъ бер
Сени рази этмеге,
Иман ёлда жан берип
Ахыратгъа гетмеге.
Камил иман
Мени дин къардашларым,
Сёйлейим гьали сизге,
Аллагьым тавпикъ берсин
Шар 3 ёлда турма бизге.
1 Мугьаммад пайхаммардыр.
2 Аллагьны валилерини арасында олай валилер бардыр къолларын
гётерип Аллагьдан бир затны тилесе Аллагь гьазиринден жавап
береген. Шолай валилерден Увайсул-Къарани болгъан.
1 Каъба уьйге. Бу гёчюм маънадыр, мундан мурат: Гьаж къылмагъа
бармагъа.
2 Равза – Мугьаммад пайхаммар гёмюлюнген ер.
3 Шариат.
260
261
Гьар-ким билмеге сюйсе
Оьз иманы камилму,
Оьз гьалына къарасын
Иманы камил тюгюлмю.
Шу гишини иманы
Камилсизге аламат,
Ялгъанчылар болмажакъ
Балагьлардан саламат.
Оьз напсына къарасын
Ойлашып, арив тергеп
Ялгъан калам къошаму
Тил булан оьзю сёйлеп.
Тергеп къарама тарыкъ
Гьар-ким оьз напсын оьзю,
Оьз напсын жыйып билсе
Уялмас ону юзю.
Сёзюне къошмай буса
Ялгъан каламны сёйлеп,
Халкълар инанмай буса
Оьзю ялгъан сёйлей деп.
Оьз напсын сакълап болса
Гьарамны ашамай, ичмей,
Гьарам затны сёйлемей,
Яман пикру ойламай.
Дагъы да болмай буса
Аманатгъа хыянат,
Шу гишини иманы
Камилликге аламат.
Шу гишини иманы
Камилликге аламат,
Иманы камил къуллар
Бир Аллагьгъа аманат.
Оьзю сёйлейген сёзге
Ялгъанны къоша буса,
Оьзю ялгъан айтмай деп
Халкълар инана буса.
Шу гиши юрюй буса
Тергевсюз ичип, ашап,
Пикрусуз сёзюн сёйлеп,
Гъыйбат, бугьтанны 1 башлап.
Оьзюню эсине гелсе
Мени сёзюм ялгъан деп,
Мен ялгъан сёйлесем де
Бу халкълар инана деп.
262
1 Гъыйбат – адамны кем гёрюп, ону артындан багъшалагъа бар
кемчиликлерин айтмакъ.
Бугьтан – адамны сёгюп, онда ёкъ затланы айтып, багъшалагъа
яман гёрсетип, ону артындан яла япмакъ.
263
Шу гишини иманы
Камилсизге аламат,
Иманы камилсизге
Бир гюн къобар надамат 1.
Шу гиши алим гиши
Бар 1 илмуну билеген,
Илмуну охуй туруп
Оьмюрюн йибереген.
Мюршидун камиллердир 2
Гьар-бир сырны билеген,
Бир адам бар женнетге
Кёп къыйналмай гиреген.
Шу кюйде уллу алим
Яман пикру ойлайгъан,
Шавукълу мюридлеге
Гъыйбат, бугьтан сёйлейген.
Оьзю женнетге гире
Ибадат, тагьат этмей,
Зикру мажлисге барып
Бир сагьат зикру этмей.
Гъыйбат, бугьтанны сёйлеп
Мюридлени сёгеген,
Тынчлыкъ булан жагьнамны
Шу алимдир гёреген.
Къыйналып зикру этмей
Мюридлеге къошулуп,
Оьзю женнетге гире
Шо мюридлени сююп.
Мюридлер де мюридлер
Шавукълу зикру этеген,
Бир адам бар жагьнамгъа 3
Аз зат учун гетеген.
1 Бир гюн пашманлыкъгъа дёнер, деген маънада.
2 Герти устазлардыр.
3 Жагьаннемге.
264
Аз зат учун жагьнамгъа
Гирежек шолай алим,
Герти алим ким буса,
Къурбандыр мени жаным.
Гьар ким билмеге сюйсе
Иманы, дини дурусун,
Аллагьгъа, Расулуна,
Устазгъа байлавлусун.
Пикру этип, ойлашып,
Оьз гьалын тергеп билсин,
1 Бары да. Ондан мурат бары да шариат илмуну.
265
Оьзю чархында тапса
Мен-менликни ийисин.
Накъшубан тарикъатны
силсиласы 1
Башчылыкъ, оьрлюк сююп
Билсе оьзюнде барын,
Шо гиши билме тарыкъ
Шолагъа байланмагъанын.
Гьар макътавланы Есси
Бар аламны Халикъи 2.
Сонг салат-саламатлыкъ
Агьмад, кавнайн Мухтари 3.
Оьзюню юрегинде
Шолай затлар ёкъ буса,
Оьзюню сансын гёрюп 1
Аллагьдан къоркъа буса.
Оьзю билмеге тарыкъ
Аллагьы тюзлегенин,
Аллагьгъа, Расулуна,
Устазгъа байлангъанын.
Башчы болагъанланы
Гюллемей туруп болса,
Расулну шапааты
Ярай шо къулгъа болса.
Аллагьым, Сен насип эт
Расулну шапаатын
Оьз затынг 2 гьюрмети учун
Тилейбиз тутуп атынг.
1 Юваш болуп, оьзюню енгип, бойсындырып, деген маънада.
2 Сени барлыгъынгны, бирлигингны.
266
Мухтарны агьлюлери,
Сыйлы асгьабалары.
Машайых кирамлагъа
Разилигинг я Аллагь.
Шюкрю булан макътавлар
Аллагьны гьакълыгъына,
Расулуллагь Агьмадны
Умметде болмагъына.
Накъшубан силсиланы
Бизге танытмагъына.
1
Силсиланы маънасы: Пайхаммардан башлап тарикъат
устазлагъа устазлыкъгъа изну бериле туруп гелген, уьзюлмеген
шинжир. Булай устазлагъа камил мюршидлер, деп айтылына.
2 Бары да аламны яратывчюсю, деген маънада.
3 Мугьаммад пайхаммар ахыратны агьлюлеринден де, дюньяны
агьлюлеринден де Аллагь булан танглалынгъан адам, деген
маънада. Шо саялы пайхаммарны атларындан бириси Мухтар
деген атыдыр, Мухтарны маънасы танглалынгъан деген
маънадыр.
267
Шоланы васила этип
Афву тилеймен Аллагь 1.
Саййид Амирул-Кулали
Оьзю болду такъиюллагь 1.
Аввал мен таянагъан
Расулуллагь Мустафа.
Шапаат кубра есси
Гьабибуллагь Мужтаба 2.
Накъшубан тарикъат башы
Мисбагунур даража Али 2,
Багьауддинул-Бухари
Камил болду сыйлы вали.
Халкъ саййид нурул-албаб,
Фахрул-каинат, Муртаза.
Дюнья-ахыратны бийи
Фахрул-алам набиюллагь 3.
Алауддинул-Аттари,
Фа Якъубун зул-маъали 3,
Агьрариюн Ариф вали
Самаркъанди Убайдуллагь.
Асгьаблардан сыйлысы
Абубакар сыддыкъдыр.
Салман, Къасым, Жаъфар, Тайфур,
Абулгьасан, Абуали.
Юсуф, Абдулхаликъ Ариф,
Сонг Магьмутдур, Али Баба,
1 Накъшубан тарикъатны машайыхланы гьюрметинден Аллагьым
Сенден гунагьларымдан гечмекни талап этемен, деген маънада.
2 Пайхаммарны къатыны.
3 Хадижатун-кубра – Пайхаммарны биринчи къатыны.
4 Хадижатдан пайхаммаргъа 4 къыз 2 улан болгъан. Пайхаммарны
наслулары Хадижатдан яйылгъан.
5 Аллагьым гетермесин.
229
Мен Сагъа ялбарайым
Сари яв 1 йимик ирип.
Ирип бара санларым,
Гьабибге гьашыкъ болуп,
Оьлсемде къайырмайман
Байтуллагьны да гёрюп.
Гёрейим байтуллагьны,
Таваф этип, айланып,
Игьрам халатын гийип,
Яшыл чалмасын чалып.
Чалманы чалмайман деп
Гьеч юрегим эришмей,
Оьлюп къалырмукенмен
Байтуллагьгъа етишмей?
Таваф этип айланып,
Сапа-Марвадан ёртуп,
Оьлсемде къайырмайман
Гьажарул-асвадны оьбюп.
Гьажарул-асвад мукен
Шапаатлар этеген,
Оьзюню оьпкенлени
Женнетге алып гетеген.
1 Сари май.
Женнетине гирежек
Герти талайлы къуллар,
Байтуллагьгъа етежек
Дуа къабул болгъанлар.
Дуаланы къабул эт, Аллагь
Байтуллагьгъа етейим,
Беш де парзны тюз этип
Ахыратгъа гетейим.
Ахырат сапарым бар
Гьали магъа бармагъа,
Шу сапаргъа азыгъым
Болмайман онгармагъа.
Азыгъым аз алмагъа
Ёлум йыракъ бармагъа,
Мен пакъыргъа амал ёкъ
Онда бармай къалмагъа.
Шу сапарым тынч этип,
Гунагьларымдан гечип,
Гъафурун-Рагьимсен Сен 1
Боласан рагьму этип.
Сен магъа рагьму этмесенг,
Герти тавба этмесем,
1 Гунагьланы гечеген рагьмулу Аллагьсан Сен, деген маънада.
230
231
Мен зайыпгъа амал ёкъ,
Жагьаннемге гетмесем.
Пайхаммаргъа макътавлар
ва салаватлар
Жагьаннемингден къоркъуп
Мен тюгюлмен къайгъырмай,
Юхуда да, уявда
Гьеч юрегим айрылмай.
Аллагьгъа гьар-бир макътав
Оьзю бизин яратгъан.
Гьабибге уммет этип,
Ислам динге къаратгъан.
Гьеч юрегим айрылмай
Къолларым ишлей туруп,
Мен Сагъа къычыраман
Барагъанда да юрюп.
Ислам динге къаратды,
Гьабибге уммет этип.
Ону макътавун этме
Инсан болмажакъ етип.
Юрюп барагъанда да
Мен Сагъа къычыраман,
Сени рагьмунг болмаса
Мени гьалым кёп яман.
Аллагьдан къайры гиши
Болмас макътавун этме.
Аллагь Оьзю чакъыргъан
Гёрюп сугьбатын этме.
Аллагьдан рагьму излейген,
Мен зайып Абдулгъани,
Дуадан айырмагъыз
Дин къардашлар, сиз аны.
Арив сугьбатын этген
Аршурагьмангъа барып 1.
Аллагьын аян гёрюп 2
Къайтгъан кёп илму алып.
Гьар вакъти дуа этигиз,
Дин къардашлар сиз бизге,
Гьабибимден шапаат
Аллагь рагьму этсин сизге.
Гьабибим баргъан ерге
Инсан болмажакъ етип.
232
1 Аллагь яратгъан аршгъа барып, деген маънада.
2 Пайхаммар Аллагьны гёрген кююн сыпатлап биревге де ачыкъ
этмеген. Пайхаммар Аллагьны не сыпатда гёрген экен деп гьайин
этегенлер адашгъанлардыр.
233
Гьали биз йыбанайыкъ,
Ону макътавун этип.
Нечакъы макътав этсе
Етишмей ону гьакъы.
Гьабибге салат-салам 1
Арш, курс, кёк, ерлер чакъы.
Нечакъы макътав этсе
Етишмей ону гьакъы.
Гьабибге салат-салам
Бары малаклар чакъы 2.
Нечакъы макътав этсе
Етишмей ону гьакъы.
Гьабибге салат-салам
Ай, гюн 3 ярыгъы чакъы.
Нечакъы макътав этсе
Етишмей ону гьакъы.
Гьабибге салат-салам
Кёкдеги юлдузлар чакъы.
Нечакъы макътав этсе
Етишмей ону гьакъы.
Гьабибге салат-салам,
Кёкден тюшген чыкъ чакъы.
Нечакъы макътав этсе,
Етишмей ону гьакъы.
Гьабибге салат-салам
Машрикъдан, Магърип чакъы 1.
Нечакъы макътав этсе
Етишмей ону гьакъы.
Гьабибге салат-салам
Тав, таш, чакъалар чакъы.
1 Пайхаммаргъа салаватлар ва саламлар болсун деген маъна.
Пайхаммаргъа салаватлар болсун деген затны маънасы: Аллагьны
рагьмусу да, гечмеклиги де, разилиги де болсун Мугьаммад
пайхаммаргъа, деген маъна. Пайхаммаргъа Саламлар болсун,
деген затны маънасы буса: Мугьаммад пайхаммар Аллагь
яратгъан затланы арасында инг де улусу ва сыйлысы болмакъгъа
гёре, Аллагьны ягъында инг де уллу макъамларда, даражаларда
болмакъгъа гёре, Аллагь огъар Оьзюню янында онгаргъан
тагьияятланы, яхшылыкъланы гьисап этип, Мугьамматгъа
Аллагьны уллу болгъан ва пайхаммаргъа этилинме тийишли
болгъан сыйлавлары ва тагьияятлары болсун, деген маъна.
2 Бары да малайиклени санаву чакъы.
3 Айны ва гюнню.
1 Гюнчыгъыш якъны да, Гюнбатыш якъны да арасындагъы
мезгили чакъы пайхаммаргъа салаватлар, саламлар болсун, деген
маънада.
234
235
Нечакъы макътав этсе
Етишмей ону гьакъы.
Гьабибге салат-салам
Агъачлар, тереклер чакъы.
Нечакъы макътав этсе
Етишмей ону гьакъы.
Гьабибге салат-салам
Ердеги яшыл от чакъы.
Нечакъы макътав этсе
Етишмей ону гьакъы.
Гьабибге салат-салам
Денгизде балыкълар чакъы.
Нечакъы макътав этсе
Етишмей ону гьакъы.
Гьабибге салат-салам
Дюньядагъы хум чакъы.
Нечакъы макътав этсе
Етишмей ону гьакъы.
Гьабибге салат-салам
Гьайванлар-жанлар чакъы.
Нечакъы макътав этсе
Етишмей ону гьакъы.
Гьабибге салат-салам
Дюньядагъы чанг чакъы.
Нечакъы макътав этсе
Етишмей ону гьакъы.
Гьабибге салат-салам
Инсан, жин, шайтан чакъы.
Нечакъы макътав этсе
Етишмей ону гьакъы.
Гьабибге салат-салам
Дюньядагъы йыл чакъы.
Нечакъы макътав этсе
Етишмей ону гьакъы.
Гьабибге салат-салам
Къуръанны гьарпы чакъы.
Нечакъы макътав этсе
Етишмей ону гьакъы.
Гьабибге салат-салам
Агъагъан сувлар чакъы.
Нечакъы макътав этсе
Етишмей ону гьакъы.
Гьабибге салат-салам
Къуръан гьарака 1 чакъы.
Нечакъы макътав этсе
Етишмей ону гьакъы.
Гьабибге салат-салам
Денгиздеги сув чакъы.
Гьабиб учун яралгъан
Бар 2 махлукъ, бар аламы.
236
1 Къуръанны гьаракалары.
2 Бары да.
237
Бизин Гьабибге тюшген
Сыйлы Къуръан каламы.
Аллагь болсун яныбыз
Гьабибимден шапаат.
Бизин йимик зайыплар
Бир Аллагьгъа аманат.
Ол Гьабибни, Къуръанны
Герек къадрусун билме 1.
Шолай кёп ниъмат берген
Аллагьгъа шюкрю къылма.
Хошгелдинг сен, Мугьаммад
Булай уллу ниъматны
Ярайму къойма унутуп.
Уммет болма къарайыкъ
Парз, сюннетин юрютюп.
Хошгелдинг, хошгелдинг, Мугьаммад Агьмад
Сени сыйлы этди Агьадун-Самад 1.
Сен гелип яйылды дюньягъа рагьмат
Сен хошгелдинг бийим, саййид я Расул!
Парз, сюннетни къылайыкъ,
Салаватны кёп салып.
Магьшаргюн бизге къарар
Шапаат этип алып.
Хошгелдинг, хошгелдинг, аламны бийи!
Аллагьны ягъында оьр болгъан сыйы.
Талайлы умметни сен болдунг бийи,
Сен хошгелдинг бийим, саййид я Расул!
Шапааты борч бола
Тынглагъан сизге-бизге.
Мени дин къардашларым,
Дуа аманат сизге.
Сени учун яралды бар 2 махлукъ алам,
Сыйлылыгъынг 3 язма болурму къалам!
Сизге дуа аманат,
Мен зайып Абдулгъани.
Бары ислам агьлюню
Бир Аллагь болсун яны.
1 Хадырын билме.
238
1
Агьадун – Аллагьны атларындан бириси, муну маънасы:
Оьзюнден къайры биревге де къуллукъ этилинмейген
Аллагь, Оьзюгер ошайгъан гьеч бирев де ёкъ Аллагь, Оьзюню
сыпатларында ва ишлеринде ортакъчысы ёкъ Аллагь, Оьзюню
Аллагьлыгъында бир болгъан Аллагь.
Самад – Аллагьны атларындан бириси, муну маънасы: Дюньяны
къыйынлыкъларындан,
ахыратны
къыйынлыкъларындан
къутгъарагъан Аллагь, бары да махлукъатлар Оьзюгер ялбарагъан,
Оьзюнден кёмек тилейген Аллагь, пача болмакълыгъында, гьаким
болмакълыгъында камил болгъан Аллагь.
2 Бары да.
3 Сыйлылыгъынгны, сагъа макътав этмекни.
239
Сагъа болсун Аллагьдан юз минг салам.
Сен хошгелдинг бийим, саййид я Расул!
Я Расул Аллагьны саламы сагъа,
Я Гьабиб Аллагьны саламы сагъа,
Умметни табиби 1 кёп салам сагъа,
Сен хошгелдинг бийим, саййид я Расул!
Сен гюн йимик дюньягъа бердинг ярыкъ,
Бары сыйлы саламлар сагъа тарыкъ,
Кёп шюкрю макътавлар Аллагьгъа лайыкъ,
Сен хошгелдинг бийим, саййид я Расул!
Сен тувгъанда кёк, ер нюрюнгден толгъан,
Малайиклер гьар яндан айландыргъан
Гьар-бир махлукъ сююнч хабарлар яйгъан,
Сен хошгелдинг бийим, саййид я Расул!
Сагъа уммет этди куллю 1 аламны,
Сагъа берди сыйлы Къуръан каламны.
Сен бийисен бар махлукъ 2 бар аламны,
Сен хошгелдинг бийим, саййид я Расул!
Сен дюньягъа гелдинг умметинг тилей,
Умметим деп гетдинг дюньядан йылай,
Къабурунгда турарсан бизин излей,
Сен хошгелдинг бийим, саййид я Расул!
Аллагь сагъа сёйледи: «Гьабибим – деп,
Не тилесенг – деди – къабул болур – деп,
Магьшаргюнде сени рази этермен» деп,
Сен хошгелдинг бийим, саййид я Расул!
Аллагьынга йыгъылдынг сужда къылып,
Биздей зайып умметни гьалын билип,
«Рази болман уммет жагьнамгъа гирип» 3,
Сен хошгелдинг бийим, саййид я Расул!
Сени нюрюнг артыкъ гюнден, айдан да,
Сендей гиши табулмажакъ къайдан да,
Сен болмасанг къалыр эдик майданда,
Сен хошгелдинг бийим, саййид я Расул!
Гёрмей туруп къуванабыз оьзюнгден 4,
Аллагьынга сени айтагъан сёзюнгден,
Оьз нюрюнден яратды загьир этип,
Аллагь сени чакъырды къонакъ этип,
Сенден къайры болмады онда етип
Сен хошгелдинг бийим, саййид я Расул!
1 Бары да.
2 Бары да махлукъну.
3 «Аллагьым, рази болмайман умметим жагьаннемге гирсе» деген
маънада. Къыяматгюн суждасында Аллагьына шулай айтажакъ.
1 Умметни доктору, сав этивчюсю деген маънада.
4 Гьей Мугьаммад пайхаммар биз сени гёрмей туруп сенден
къуванабыз, сююнебиз.
240
241
Аллагьны гьюрмети учун салма гёзюнгден 1,
Сен хошгелдинг бийим, саййид я Расул!
Сен чакъырсанг гелди тереклер, ташлар,
Герти этди бешигиндеги яшлар,
Тасбигь этди сени къолунгда ташлар,
Сен хошгелдинг бийим, саййид я Расул!
Тасбигь этди ташлар сени къолунгда,
Бу жаныбыз къурбан сени ёлунгда,
Гьайванлар сёйледи сени алдынгда,
Сен хошгелдинг бийим, саййид я Расул!
Ташлар шагьат болду сени герти этип,
Тереклер йыгъылды сагъа сужда этип,
Жансыз жамадатлар 2 танып герти этип,
Сен хошгелдинг бийим, саййид я Расул!
Аллагь сени сыйлы этди гьар затынгны,
Аты булан къошуп язды атынгны,
Билмейбиз макътайыкъ къайсы затынгны,
Сен хошгелдинг бийим, саййид я Расул!
Жыйылгъанбыз сени макътавунг этме,
Сагъа макътав этип ким болур етме?
Сен гел бизин гёрюп шапаат этме,
Шапаатынг умутлайбыз, я Расул!
Инангъанбыз сени биз гёрмей туруп,
Сагъа макътав этебиз гёрмей 1 туруп,
Шапаат эт сен бизин гелип гёрюп,
Шапаатынг умутлайбыз, я Расул!
Ахыр заман зайып сени умметинг,
Умметингдир унутулмайгъан затынг,
Я Гьабибим, эт бизге шапаатынг,
Шапаатынг умутлайбыз, я Расул!
Мусыбат кёп болду бизин сынама,
Я Аллагьым сабурлукъ бер чыдама.
Я Гьабибим гелдик сенден тилеме,
Шапаатынг умутлайбыз, я Расул!
Алимлер болмады амалын этме,
Амал этип шариатын тюз этме,
Мюридлер болмады муратгъа етме,
Магьрюм къалдыкъ бийим, саййид я Расул!
1 Къыяматгюн шапаат этмейли сен бизин ташлап къойма, деген
маънада.
2 Жансыз затлар: ташлар, тереклер, тавлар, денгизлер, айлар,
юлдузлар ва оьзге затлар. Гертиден де бу затлар барысы да
пайхаммарны гьакълыгъына шагьатлыкъ этген.
1 Абдулгъанини къызыны уланы Абубакар «Гёрмей» деген сёзню
орнунда «Эретуруп» деген сёзню къоллай. «Эретуруп» деген сёз
бу ерге арив къыйыша, неге тюгюлде бу шиъру кёбюсю гьалда эре
туруп охулагъан саялы.
242
243
Гунагьлыбыз, къара сагъа юзюбюз,
Гьарам затдан сакъламайбыз гёзюбюз,
Загьиринде арив бизин сёзюбюз,
Тюз турмакъ чы къайдан бизге, я Расул!
Ол1 магьшаргюн гьисап, мизан2 къургъанда
Аллагь Оьзю Къази болуп тургъанда 3,
Бар аламгъа къоркъув тюшюп къалгъанда,
Шапаатынг умутлайбыз, я Расул!
Жагьаннем гелгенде къаравул этип,
Асси къулланы бер деп талап этип,
Сен Аллагьгъа ялбаргъанда сужда этип,
Шапаатынг умутлайбыз, я Расул!
Я Сыддыкъым 4 гелгенбиз сенден тилей,
Умар фарукъ сагъа баш уруп йылай,
Осман, Али сизден бир мадад 5 излей,
Шапаатынг умутлайбыз, я Расул!
Я Патимат, ялбара гелдик сизге,
Гьасан-Гьюсен кёмек этигиз бизге,
Агьлю байт баш ура гелдик биз сизге 1,
Шапаатынг умутлайбыз, я Расул!
Рагьим Аллагь, хазналары кёп Аны,
Гьабибимдир зайып умметни яны.
Сизге аманат бу зайып Абдулгъани
Шапаатынг умутлайбыз, я Расул!
Гьабибни къадрусу
Расул дюньягъа гелди
Сужда этип, йылай туруп,
«Умметим-умметим» деп,
Аллагьдан тилей туруп.
Умметим-умметим деп,
Къалды дюньядан гетип,
Салаватны кёп салсакъ
Къарар шапаат этип.
1 О.
2 Гьисап – Дюньяда этген амалларына сорав алмакъ.
Мизан – муъминлени дюньяда этген яхшы амаллар болду,
яман амаллар болду барын да тартып оьлчейген мизан терезе.
3 Къыяматгюн гьукму этмеге башлагъанда.
4 Абубакар сыддыкъ деген пайхаммарны асгьабасы.
5 Кёмек.
1 Абдулгъани булай сыйлы адамлагъа ялбарагъаны, олардан
кёмек тилейгени тавассул якъдандыр. Ислам динде тавассул
этмеге ярата. Ислам диндеги тавассулну маънасы Пайхаммарланы,
валилени, амал этеген алимлени яхшы гишилени арагъа салып
Аллагьдан тилемек, яда тувра оьзлерден шапагьат тилемек.
Неге тюгюлде олар оьлмегендир, олар сав заманындан да арив
эшитедир, олар дуньядегилеге дуа да этип боладыр, Аллагь оланы
дуасына жавап бермекликге шеклик ёкъ.
244
245
Тургъан чакъы дюньяда,
Оьлген сонг къабурда да,
Биз болабыз къайгъысы,
Къабурдан тургъанда да.
Бизге де ярамайму
Гьабибни къадрусун билме?
Магьшаргюн женнетни ачар,
Зайып умметге гирме.
Мен зайып Абдулгъани,
Сёйлейген мени сёзюм,
Къастым шоланы этме,
Етип болмайман оьзюм.
Гьар бирисин юрютме,
Аллагь рагьму этсин бизге,
Мени дин къардашларым
Дуа аманат сизге.
Мугьаммад пайхаммарны
гьакъындан къысгъача
эсгеривю
Аллагьгъа гьар-бир макътав,
Оьзю бизин яратгъан,
246
Ислам динге тюз этип,
Азалда къалам тартгъан 1.
Шюкрю макътав Аллагьгъа,
Уммет этип къаратгъан,
Кёкню, ерни, аламны,
Гьабиб учун яратгъан.
Рабиул-аввал айда
Расул дюньягъа гелген.
Бар 2 махлукъ бир-бирине
Сююнч хабарлар берген.
Расул дюньягъа гелди,
Он экинчи гечеси,
Къалалар, тахлар, ханчлар
Увалдылар нечеси.
Ражаб айны ичинде
Расул миъражгъа чыкъды 3.
Гьакъ динни загьир этип
Батил 4 динлени йыкъды.
1 Азал илмусунда бизин бусурманлардан этген, деген маънада.
Аллагьны азал илмусу деген затны маънасы Аллагьны илмусуну
аввалы ёкъ деген маънадыр.
2 Бары да.
3 Кёкге гётерилди.
4 Ялгъан.
247
Ражаб айны йигирма
Еттинчиси гечеси,
Кёклер, ерлер, малаклар 1,
Сююндюлер нечеси.
Тажны да, буракъны да 2,
Жабрайил гелди, алып.
Аллагьын аян гёрдю
Аршурагьмангъа барып.
Шу сапарындан къайтгъан
Кёп аламатлар гёрюп.
Ажайып илмулардан
Кёкюрегин толтуруп.
Аллагь булан да сёйлеп
Гёзю булан да гёрген 3.
Салаватны кёп салсын
Гьабибге уммет болгъан 4.
Ражаб ай гелгендедир
1 Малайиклер.
2 Пайхаммарыбыз кёкге гётерилеген гече Маккадан Ерусалимдеги
масжидул-Акъсагъа ерли минип баргъан жанны аты.
3 Пайхаммар Аллагьны гёрген кююн сыпатлап биревге де ачыкъ
этмеген. Пайхаммар Аллагьны не сыпатда гёрген экен, деп гьайин
этегенлер адашгъанлардыр.
4 Мен Мугьаммад пайхаммарны умметинденмен деп айтагъан
гиши.
248
Женнетлени ачагъан.
Оьлюлеге, савлагъа
Аллагь рагьму чачагъан.
Ражабда урлукъ чачса,
Шаъбандыр сугъарагъан.
Бараат гечеси бар,
Аллагьгъа ялбарагъан.
Аллагьгъа ялбаргъанлар
Къолуна гьакъын алыр.
Ол гече къапул тургъан
Гьар яндан магьрюм къалыр.
Ражабда урлукъ чачса,
Шаъбандыр сугъарагъан,
Гёзел шагьру рамазан
Чачгъанны оруп алагъан.
Рамазан айны ичинде
Лайлатул-къадир гече
Шо гече ялбаргъанлар
Алыр даража нече.
Рамазанны сыйласа
Таравигьлерин кютюп,
Шаввалдан алты гюнню
Иертип 1 ораза тутуп.
1 Иертип- ара бёлмей.
249
Шолай тутгъан къулланы
Аллагьым Оьзю гёрюр
Савлай йыл оразаны
Тутгъан савабы болур.
Оьз мурадыма болмадым етип,
Бизин де къоюп барасан гетип,
Къарарсан бугъай шапаат этип
Алвадаал-вадаа рабиул-аввал.
Гьали сен савбол рабиул-аввал
Шапаат этип бизин тартарсан,
Бизден Гьабибге салам айтарсан,
Яхшы ёл сагъа гьазир къайтарсан,
Алвадаал-вадаа рабиул-аввал.
Рабиул-аввал, сен гелдинг етип,
Сени сыйладыкъ хошгелди этип,
Бизин де къоюп барасан гетип,
Алвадаал-вадаа рабиул-аввал 1.
Сенден къуванып турадик 2 тилей,
Мавлетлер этип биз сени сыйлай,
Ол Гьабибимден шапаат излей
Алвадаал-вадаа рабиул-аввал.
Ялкъдынгму бизден неге гетесен,
Йылда бир гелип къоюп оьтесен,
Сен мени алмай неге гетесен,
Алвадаал-вадаа рабиул-аввал.
Сенден айрылмай сюедик 3 гелме,
Гьабибим учун жаныбыз берме,
Сенден къуванып болмадыкъ оьлме,
Алвадаал-вадаа рабиул-аввал.
1 Гьали сен савбол рабиул-аввал.
2 Тура эдик.
3 Сюе эдик.
250
Болжал етмесе гёрербиз гелип,
Сени сыйларбыз хошгелди берип,
Шонда чы боларман айрылмай гелип,
Алвадаал-вадаа рабиул-аввал.
Сен къайтып гелме он бир ай къалды,
Шавукъ юреклер леззетинг алды,
Сени артынгдан гёзюбюз къалды,
Алвадаал-вадаа рабиул-аввал.
Сени артынгдан биз къалдыкъ йылай,
Ол Гьабибимден шапаат излей,
Сизин къадругъузну 1 тюгюлбюз билмей,
Алвадаал-вадаа рабиул-аввал.
Сен оьзюнг гёрдюнг гьашыкълар кимдир,
Шавукълуланы Гьабибге билдир
1 Хадырыгъызны.
251
Зайып умметбиз, къастыбыз недир,
Алвадаал-вадаа рабиул-аввал.
Бу ислам динни къастыбыз тутма,
Расулну сюннетин къоймай юрютме,
Сиз де ярарму бизин унутма
Алвадаал-вадаа рабиул-аввал.
Бизин унутма ярарму сизге,
Шапаат этмей гьар вакъти бизге,
Бизин аманат этдик биз сизге
Алвадаал-вадаа рабиул-аввал.
Аманатыбыз алып гетерсен,
Магьшар майдангъа гелип етерсен,
Герти шагьатлыкъ шонда этерсен,
Алвадаал-вадаа рабиул-аввал.
Юрек токъташып инандыкъ сизге,
Шапаатыгъыз борч бола бизге,
Ялбара, йылай гелгенбиз сизге,
Алвадаал-вадаа рабиул-аввал.
Бек зайып гьалым, мен Абдулгъани,
Гьабибим болсун гьар вакъти яны,
Дуагъа къошмакъ умутлайгъаны,
Алвадаал-вадаа рабиул-аввал.
Дин къардашларым, дуа аманат,
Аллагьдан явсун умметге рагьмат
Гьабибим этсин бизге шапаат,
Алвадаал-вадаа рабиул-аввал.
Магьшар майдангъа гелерсен етип,
Гёргенинг айтып шагьатлыкъ этип,
Гьабибим алыр шапаат этип,
Алвадаал-вадаа рабиул-аввал.
Шапаат этер къувангъанлагъа,
Мавлетлер охуп йыбангъанлагъа,
Юрек токъташып инангъанлагъа,
Алвадаал-вадаа рабиул-аввал.
252
253
Тарикъат бёлюк
Камил мюршид
Аллагь язгъан къадардан
Инсан болмажакъ оьтме.
Къулгъа ихтияр берген
Оьзюгер сюйгенни этме.
Бисмиллагь деп башлайым,
Аллагьны атын тутуп.
Аллагьны гьюрмети учун
Къойма мюршид унутуп.
Ихтиярны, къадарны,
Аввал язгъан къаламы.
Гьар-бир затны билдирме,
Тюшдю Къуръан каламы.
Аллагьгъа гьар-бир макътав,
Оьзю бизин яратгъан.
Гьабибге уммет этип
Ислам динге къаратгъан.
Сыйлы Къуръан калам бар
Гьакъ-батынны ачагъан 1.
Нечесе алимлер бар,
Гьакъ затны айтмай янчагъан.
Ислам динге къаратдынг
Бизге кёп ниъмат этип.
Ниъматларынга гёре
Болмайбыз шюкрю этип.
Шюкрю макътав Аллагьгъа,
Бизге рагьму этеген.
Оьзю сюйген къулланы
Тюз ёлгъа тюз этеген.
Тюз ёлгъа тюз этеген,
Къулларына рагьму этип,
Аллагь тюзлемегенлер
Болмай тюз ёлдан гетип.
254
Гьакъ затны айтмай янча
Гёзлери булан гёрюп,
Батын затны 2 герти эте
Замангъа гёре юрюп.
Заманагъа 3 къыйыша
Мусыбатлардан къачып.
Язгъан къадары гелер,
Сюйген ерден къапу ачып.
Гьар ким оьлюмден къоркъуп
Давну ичинде къыйналса.
1 Тюз ёлну гёрсетеген.
2 Тюз затны.
3 Заманлагъа.
255
Къыйналгъаны, талгъаны,
Герек хайыргъа къалса.
Умут есси етишмес
Умут этип къавшалып.
Къадарда язмагъанын
Болмас нетседе 1 алып.
Азиз жанын къызгъанса
Бегитип гьар-бир санын.
Хапарсыз гелип тутар
Къалдырып болмас жанын.
Юз минг асгер жыйса да
Гючюн, къудратын салып,
Асгери пайда бермес.
Болмас оьлюмден къалып.
Нечакъы мал жыйса да
Гьаракат талап этип.
Ажжал гюню гелгенде
Болмас малы пайда этип.
Табунун уллу гёрюп,
Турса оьктемлик этип,
Табуну, улан-къызы
Болмас огъар пайда этип.
1 Не этсе де.
256
Бары махлукъ бир болса
Болмажакъ кёмек этме.
Мюгьлети 1 алышынып,
Болмас ажжалдан оьтме.
Мусыбатдан, балагьдан
Къутулма сюйсе юрек,
Агьлуллагьны халкъына 2
Ялбарса болур кёмек.
Агьлуллагьны халкъына
Герти къувун салмайлы,
Биздей гунагьлылагъа
Шолар шафиъ болмайлы 3.
Пайхаммарлар, шайыхлар,
Авлияълар етеген.
Биздейлер къувун салса
Шапаатын этеген.
Кавнайниге, барзахгъа 4,
Булар барып етелер.
1 Болжалы.
2 «Агьлуллагь» деп айтылына Аллагьны ювукъ къулларына
пайхаммарлар йимик, валилер йимик, шайыхлар йимик, алимлер
йимик, Къуръанны охуп, ону булан амал этегенлер йимиклеге.
3 Олагъа къувун салса амал ёкъдур олар бизге шапаат этмейли,
деген маънадыр.
4 Кавнайн – жинлени де, инсанланы да аламлары.
Барзах – къыяматгюн болгъунчагъа оьлгенлени жанлары
жыйылагъан бир ерни аты.
257
«Гьей бийлер» деп къычырса,
Гьазир кёмек этелер.
Мюршидун камиллердир 1
Тюз ёлгъа тюз этеген.
Булардан кёмек сююп
Кимни болса тилеги 1
Мен-менлик, уллулукъдан
Боп-бош болсун юреги.
Аллагьым Оьз нюрюнден
Бу Гьабибни яратгъан.
Сыйлы Къуръан каламда
Яратгъанын англатгъан.
Булагъа инкарланы 2
Аллагь мажлисин тозар.
Машайыхлар бир созса
Яманокъ уллу созар.
Гьабиб учун яратды
Бар 2 махлукъ бар аламны.
Бу Гьабибге тюшюрдю
Сыйлы Къуръан каламны.
Бир созса уллу созар
Буланы къойма тарыкъ.
Булагъа инангъанны
Магьшаргюн юзю ярыкъ.
Гьабибге Къуръан тюшдю,
Бар затны ачыкъ этме
Гьеч мюршидун камилсиз
Болмас Аллагьгъа етме.
Минг китабын охуса
Минг йыл рияза этип 3,
Гьеч мюршидун камилсиз
Болмас Аллагьгъа етип.
Аллагьны валилери,
Пайхаммарны вариси,
Къувун салса етише
Буланы гьар-бириси.
Гьеч гиши васитасыз 4
Болмай Аллагьгъа етип.
Сыйлы Гьабиб Агьматгъа,
Халипалыкъ этеген,
1 Тилевю.
2 Аллагьны валилери барлыгъына,
барлыгъына инанмайгъанланы.
258
оланы
караматлары
1 Герти устазлардыр.
2 Бары да.
3 Устазгъа тагъылмайлы нечакъы кёп ибадатлар булан машгъул
болса да, деген маънада.
4 Силсиладан узулмай гелген камил устазсыз, деген маънада.
259
Мюршидлер етишдире
Тувра Аллагьгъа элтип.
Мугьаммад Мустафадыр 1
Ярыкъ нюрлер салынгъан.
Бары пайхаммарлагъа
Оьзюнден нюр алынгъан.
Мюршидун камиллердир
Буланы ёлун тутгъан.
Таза Аллагьгъа багъып
Агьлю, яш, малны унутгъан.
Шайыхлардыр Аллагьдан
Къапул болмай турагъан.
Аллагь буюргъан ерге
Балагьланы бурагъан.
Мюршидун камиллердир
Напс шайтанны оьлтюреген.
Балагьланы гери уруп
Ниъматлар гелтиреген 2.
Я Рабби, Сен рагьму эт
Расулгъа, агьлюсюне.
Асгьабалары булан
Яшына, уллусуна.
Я Рабби, Сен Рагьму эт
Шайыхлар булан бизге.
Бары ислам агьлюге
Бизин улан-къызгъа.
Я Рабби, Сен тавпикъ бер
Байтуллагьгъа 1 бармагъа.
Гьабибге къонакъ болуп
Равзасында 2 къалмагъа.
Я Рабби, Сен тавпикъ бер
Сени рази этмеге,
Иман ёлда жан берип
Ахыратгъа гетмеге.
Камил иман
Мени дин къардашларым,
Сёйлейим гьали сизге,
Аллагьым тавпикъ берсин
Шар 3 ёлда турма бизге.
1 Мугьаммад пайхаммардыр.
2 Аллагьны валилерини арасында олай валилер бардыр къолларын
гётерип Аллагьдан бир затны тилесе Аллагь гьазиринден жавап
береген. Шолай валилерден Увайсул-Къарани болгъан.
1 Каъба уьйге. Бу гёчюм маънадыр, мундан мурат: Гьаж къылмагъа
бармагъа.
2 Равза – Мугьаммад пайхаммар гёмюлюнген ер.
3 Шариат.
260
261
Гьар-ким билмеге сюйсе
Оьз иманы камилму,
Оьз гьалына къарасын
Иманы камил тюгюлмю.
Шу гишини иманы
Камилсизге аламат,
Ялгъанчылар болмажакъ
Балагьлардан саламат.
Оьз напсына къарасын
Ойлашып, арив тергеп
Ялгъан калам къошаму
Тил булан оьзю сёйлеп.
Тергеп къарама тарыкъ
Гьар-ким оьз напсын оьзю,
Оьз напсын жыйып билсе
Уялмас ону юзю.
Сёзюне къошмай буса
Ялгъан каламны сёйлеп,
Халкълар инанмай буса
Оьзю ялгъан сёйлей деп.
Оьз напсын сакълап болса
Гьарамны ашамай, ичмей,
Гьарам затны сёйлемей,
Яман пикру ойламай.
Дагъы да болмай буса
Аманатгъа хыянат,
Шу гишини иманы
Камилликге аламат.
Шу гишини иманы
Камилликге аламат,
Иманы камил къуллар
Бир Аллагьгъа аманат.
Оьзю сёйлейген сёзге
Ялгъанны къоша буса,
Оьзю ялгъан айтмай деп
Халкълар инана буса.
Шу гиши юрюй буса
Тергевсюз ичип, ашап,
Пикрусуз сёзюн сёйлеп,
Гъыйбат, бугьтанны 1 башлап.
Оьзюню эсине гелсе
Мени сёзюм ялгъан деп,
Мен ялгъан сёйлесем де
Бу халкълар инана деп.
262
1 Гъыйбат – адамны кем гёрюп, ону артындан багъшалагъа бар
кемчиликлерин айтмакъ.
Бугьтан – адамны сёгюп, онда ёкъ затланы айтып, багъшалагъа
яман гёрсетип, ону артындан яла япмакъ.
263
Шу гишини иманы
Камилсизге аламат,
Иманы камилсизге
Бир гюн къобар надамат 1.
Шу гиши алим гиши
Бар 1 илмуну билеген,
Илмуну охуй туруп
Оьмюрюн йибереген.
Мюршидун камиллердир 2
Гьар-бир сырны билеген,
Бир адам бар женнетге
Кёп къыйналмай гиреген.
Шу кюйде уллу алим
Яман пикру ойлайгъан,
Шавукълу мюридлеге
Гъыйбат, бугьтан сёйлейген.
Оьзю женнетге гире
Ибадат, тагьат этмей,
Зикру мажлисге барып
Бир сагьат зикру этмей.
Гъыйбат, бугьтанны сёйлеп
Мюридлени сёгеген,
Тынчлыкъ булан жагьнамны
Шу алимдир гёреген.
Къыйналып зикру этмей
Мюридлеге къошулуп,
Оьзю женнетге гире
Шо мюридлени сююп.
Мюридлер де мюридлер
Шавукълу зикру этеген,
Бир адам бар жагьнамгъа 3
Аз зат учун гетеген.
1 Бир гюн пашманлыкъгъа дёнер, деген маънада.
2 Герти устазлардыр.
3 Жагьаннемге.
264
Аз зат учун жагьнамгъа
Гирежек шолай алим,
Герти алим ким буса,
Къурбандыр мени жаным.
Гьар ким билмеге сюйсе
Иманы, дини дурусун,
Аллагьгъа, Расулуна,
Устазгъа байлавлусун.
Пикру этип, ойлашып,
Оьз гьалын тергеп билсин,
1 Бары да. Ондан мурат бары да шариат илмуну.
265
Оьзю чархында тапса
Мен-менликни ийисин.
Накъшубан тарикъатны
силсиласы 1
Башчылыкъ, оьрлюк сююп
Билсе оьзюнде барын,
Шо гиши билме тарыкъ
Шолагъа байланмагъанын.
Гьар макътавланы Есси
Бар аламны Халикъи 2.
Сонг салат-саламатлыкъ
Агьмад, кавнайн Мухтари 3.
Оьзюню юрегинде
Шолай затлар ёкъ буса,
Оьзюню сансын гёрюп 1
Аллагьдан къоркъа буса.
Оьзю билмеге тарыкъ
Аллагьы тюзлегенин,
Аллагьгъа, Расулуна,
Устазгъа байлангъанын.
Башчы болагъанланы
Гюллемей туруп болса,
Расулну шапааты
Ярай шо къулгъа болса.
Аллагьым, Сен насип эт
Расулну шапаатын
Оьз затынг 2 гьюрмети учун
Тилейбиз тутуп атынг.
1 Юваш болуп, оьзюню енгип, бойсындырып, деген маънада.
2 Сени барлыгъынгны, бирлигингны.
266
Мухтарны агьлюлери,
Сыйлы асгьабалары.
Машайых кирамлагъа
Разилигинг я Аллагь.
Шюкрю булан макътавлар
Аллагьны гьакълыгъына,
Расулуллагь Агьмадны
Умметде болмагъына.
Накъшубан силсиланы
Бизге танытмагъына.
1
Силсиланы маънасы: Пайхаммардан башлап тарикъат
устазлагъа устазлыкъгъа изну бериле туруп гелген, уьзюлмеген
шинжир. Булай устазлагъа камил мюршидлер, деп айтылына.
2 Бары да аламны яратывчюсю, деген маънада.
3 Мугьаммад пайхаммар ахыратны агьлюлеринден де, дюньяны
агьлюлеринден де Аллагь булан танглалынгъан адам, деген
маънада. Шо саялы пайхаммарны атларындан бириси Мухтар
деген атыдыр, Мухтарны маънасы танглалынгъан деген
маънадыр.
267
Шоланы васила этип
Афву тилеймен Аллагь 1.
Саййид Амирул-Кулали
Оьзю болду такъиюллагь 1.
Аввал мен таянагъан
Расулуллагь Мустафа.
Шапаат кубра есси
Гьабибуллагь Мужтаба 2.
Накъшубан тарикъат башы
Мисбагунур даража Али 2,
Багьауддинул-Бухари
Камил болду сыйлы вали.
Халкъ саййид нурул-албаб,
Фахрул-каинат, Муртаза.
Дюнья-ахыратны бийи
Фахрул-алам набиюллагь 3.
Алауддинул-Аттари,
Фа Якъубун зул-маъали 3,
Агьрариюн Ариф вали
Самаркъанди Убайдуллагь.
Асгьаблардан сыйлысы
Абубакар сыддыкъдыр.
Салман, Къасым, Жаъфар, Тайфур,
Абулгьасан, Абуали.
Юсуф, Абдулхаликъ Ариф,
Сонг Магьмутдур, Али Баба,
1 Накъшубан тарикъатны машайыхланы гьюрметинден Аллагьым
Сенден гунагьларымдан гечмекни талап этемен, деген маънада.