Latin

Равза - 06

Total number of words is 3230
Total number of unique words is 1461
36.3 of words are in the 2000 most common words
53.4 of words are in the 5000 most common words
63.1 of words are in the 8000 most common words
Each bar represents the percentage of words per 1000 most common words.
1 Йылатма Аллагь.
2 Кёмек талап эте туруп, деген маънада.
190
Кёп гунагьлы сёзлерим,
Ай, Аллагьым, гёресен.
Шуланы унутдуруп
Инсанлагъа боласан.
Такъсырларым унутдур,
Мени айыпгъа салмай.
Ол 1 къыйынлы магьшаргюн
Менден ачувунг алмай.
Амин, амин, я Аллагь!
Къабул эт тилев сёзюм!
Тюзелмеге болмайман
Сен тюзлемесенг оьзюм 2.
Амин, амин, я Аллагь!
Сен билесен дертибиз 3.
Сени бирлигинг учун
Тюзле ялгъан-гертибиз 4.
Амин, амин, я Аллагь!
Камил эт иманыбыз 5.
Иблис мальунге къаршы
Оьзюнг болгун 6 яныбыз.
1 О.
2 Мени.
3 Дертибизни, аврувубузну.
4 Ялгъанчыларыбызны да, гертичилерибизни де.
5 Иманыбызны.
6 Бол Аллагьым.
191
Амин, амин, я Аллагь!
Сен бол, Аллагь, яныбыз.
Иман ёлгъа тюз этип,
Ал, Аллагьым, жаныбыз 1.
Дюньялыкъда иман ёлда сакълайгъан,
Малайиклер тавушундан ялкъмайгъан,
Гьюрюкъызлар шавукъланып токътайгъан,
Калиматун:
Амин, амин, я Аллагь!
Къара бизге рагьму этип,
Мункар-Накир суалда 2
Жавапларым тюзелтип.
Оьзю булан бир Аллагьгъа етеген,
Юреклени насларын таза этеген,
Жан базарда тюз ёлгъа тюз этеген,
Калиматун:
Лап да сыйлы сёз
Лаилагьа иллаллагьу я Аллагь,
Лаилагьа иллаллагьу я Аллагь,
Лаилагьа иллаллагьу я Аллагь,
Бу зикруну бизге рызкъы эт Аллагь.
Бир Аллагьны каламыны сыйлысы,
Пайхаммарлар токъташдыргъан барысы,
Бугъар машгьюр болгъан куллю валиси 3
4
Калиматун
:
1 Жаныбызны.
2 Къабургъа гиргенде эки малайик сорав алагъанда.
3 «Лаилагьа иллаллагь» деген сёз булан бары да Аллагьны
валилери вали макъамгъа чыкъгъан, деген маънада.
4 «Лаилагьа иллаллагь» деген сёздюр.
192
Оьзю булан къабуруна барагъан,
Мункар-Накир суалын онгарагъан,
Къабурунда чиракъ болуп янагъан,
Калиматун:
Къабуруна ниъматлар гелтиреген,
Шайтанланы къувалап оьлтюреген,
Даим шонда йыбандырып турагъан,
Калиматун:
Оьзю булан шол 1 магьшаргъа етеген,
Янагъан гюн салкъынлыкълар этеген,
Бу зикрудур сувсабын ял этеген,
Калиматун:
Ол 2 мизанда савап янгъа салагъан,
Гунагьланы оьрге чююп алагъан,
1 Шо.
2 О.
193
Магьшар агьлю гёрюп гьайран къалагъан,
Калиматун:
Гьар адамгъа элли суал этеген,
Шол сиратдан бизин алып гетеген,
Бу зикрудур женнетлеге элтеген,
Калиматун:
Бу зикрудур женнетлени ачгъычы,
Бизин ислам динибизни батгъычы,
Жагьаннемден къутгъарагъан къылычы,
Калиматун:
Бары ибадатланы оьзю анасы,
Ислам динибизни нюр багъанасы,
Анбияъ, авлияъларыны хазнасы 1,
Калиматун:
Гьакъкъун рагьматын къапусун ачагъан 2,
Жумла умметлерине нюр чачагъан,
Тавушундан Иблис мальун къачагъан,
Калиматун:
Бу зикруну мунча караматы бар,
Гьакъ янында мунча азаматы 1 бар,
Къыйынлы ерлерде шапааты бар,
Калиматун:
Зикру булан юмдур бизин гёзюбюз,
Рияъ ишден тазалагин оьзюбюз 2,
Магьшаргюнде уялтмагин юзюбюз 3,
Калиматун:
Магьшаргюнде Сен къоймагин уялтып,
Емиши ёкъ терек йимик къара этип,
Ай, Аллагьым, Сен боласан рагьму этип,
Калиматун:
Абдулгъани Аллагьындан тилейген,
Гьабибимни шапаатын излейген,
Дин къардашлар сизден дуа гёзлейген.
Калиматун:
1 «Лаилагьа иллаллагь» деген сёз пайхаммарланы да, валилени
де бек аявлу, артыкъ къыйматлы затыдыр, деген маънада.
2 «Лаилагьа иллаллагь» деген сёзню гьюрметинден Аллаутаала
рагьму къапусун ачадыр, деген маънада.
1 «Лаилагьа иллаллагь» деген сёзню кёп айтагъан адамлагъа
Аллагьны ягъында кёп саваплары бар, деген маънада.
2 Гёземенлик ишлерден бизин таза эт Аллагьым.
3 Уялтма Аллагьым юзюбюзню.
194
195
Зикру мажлисни излейген
малайиклер
Бир табун малайиклер,
«Саягьун» 1 шоланы аты,
Зикру мажлисни излейген,
Даим шоланы адаты.
Саягьунлар гелмеге
Зикру гьалкъаны ачайыкъ 2.
Женнет бавундан алып,
Дин урлугъун чачайыкъ.
Не урлукъну чачса да,
Емиши шогъар ошар.
Урлугъун чачгъан гиши
Оьзю емишин ашар.
Дин урлугъун чачгъанлар
Женнетлерине учар.
Шайтан буйругъун яйгъан
Закъум шарабын ичер 3.
Шайтандан къоркъа бусанг,
Зикру гьалкъагъа сен къамал 1.
Къызгъан урлукъ йимикдир
Рияъ къошулгъан амал 2.
Рияъ къошмай амал эт,
Къыйынынг пуч гетмесин.
Зикру гьалкъадан айрылып,
Бир мулутунг оьтмесин 3.
Дин къардашлар, гелигиз,
Зикру гьалкъагъа гирейик.
Зикру гьалкъа женнет бавдур,
Шону герти билейик.
Женнет бавундан алып
Емишлерин ашайыкъ.
Эки янгъа чайкъалып
Гунагьланы ташлайыкъ.
Чайкъалып зикру этгенде
Гунагьлары тёгюлюр.
Чархындан чыкъгъан тери
Магьшаргюн шагьат болур.
1 Дюньяны юзюнден гезеп турагъан малайиклер.
2 Зикру мажлисни башлайыкъ.
3 Жагьаннемде закъум деген терек бар, шайтанны буйрукъларын
яягъан адамлагъа, гунагь ишлер этип тоба этмей гетгенлеге шо
терекни ашамлыгъын ашатажакъ, шо терекден ашагъан сонг олар
бек сувсап болажакъ, сонг олагъа шо багьана булан къайнагъан
сувну ичирежек.
1 Зикру мажлислеге даимчилик эт, деген маънада.
2 Гёземенлик учун этилинген яхшы амал.
3 Бу гёчюм маънада геле, ондан мурат: зикру мажлислер болагъан
ерлеге бош заманынг бар тура-туруп етишмеге гьаракат эт, деген
маънадыр. «Мулут» деген сёзню маънасы «Минут».
196
197
Магьшаргюн шагьат болур
Чархыбыздагъы санлар.
Зикру тавушну эшитсе
Бары шайтанлар яллар.
Аллагь олагъа сорар,
Оьзю бек биле туруп:
«Къулларымны гёрдюгюз
Не затны эте туруп?»
Зикру тавушну эшитсе
Шайтанлар яллап гетер
Зикру мажлисни излейген
Малаклар 1 гелип етер.
Малайиклер айтажакъ:
«Зикру гьалкъагъа етелер.
Эркин болгъан рагьматынг
Сенден умут этелер».
Зикру мажлис бар ерге,
Саягьунлар етежек.
Сиз излейген мунда деп,
Оьзгелерине айтажакъ 2.
Аллагь дагъы да айтар:
«Неден къоркъуп эте» деп.
Малайиклер айтажакъ:
«Жагьаннемден къоркъа – деп.
Излейгенигиз мунда,
Тезлик булан гелигиз.
Зикру гьалкъаны аралап,
Арагъызгъа алыгъыз.
Аввал кёкге чыкъгъынча
Арасына алажакъ.
Зикру мажлис тозулса,
Кёкге чыгъып баражакъ.
1 Малайиклер.
2
Зикру мажлисни тапгъан Саягьунланы бирлери гьали де
тапмагъан излеп турагъан малайиклеге де билдирежек: Гелигиз
мунда биз тапдыкъ, деп.
198
Жагьаннемден къоркъа – деп,
Женнет умут эте – деп.
Олагъа рагьму къылсанг
Женнетинге ете» – деп.
Аллагь айтар: «Жагьнамны 1
Гёрсе не этер эди»
Малайиклер айтажакъ:
«Зикру кёп этер эди».
Аллагь айтар олагъа:
«Сизин шагьат этгенмен,
1 Жагьаннемни.
199
Мажлисни агьлюсюнден,
Барындан да гечгенмен.
Къоркъгъанындан къутгъардым,
Умут этгенин бердим.
Сиз шагьат болмакъ учун
Олагъа рагьму къылдым».
Зикруну, ибадатны
Рызкъы этсин Аллагь бизге.
Мени дин къардашларым
Дуа аманат сизге.
Эт зикру, айт Аллагь, Аллагь!
Малайиклер айтажакъ:
«Гечмеге ете гючюнг,
Онда бир адам гелген
Дюнья майшатлыкъ учун».
Аллагь, Аллагь, Аллагь дегин 1,
Яратмагъан сени тегин,
Тут бир мюршидни этегин 2,
Эт зикру, айт:
Аллагь айтар олагъа:
«Тюгюлмен ону гёрмей,
Олар булан олтургъан
Гиши талайсыз болмай.
Чайкъалып чархынг бувулсун,
Гунагьлар ерге тёгюлсюн,
Шайтанны саны сёгюлсюн,
Эт зикру, айт:
Оланы гьюрметинден
Ол къулумдан гечгенмен,
Барындан да гечгенмен,
Сизин шагьат этгенмен».
Къуллары не этсе де
Аллагь тюгюл билмейген,
Шолай малайиклер бар
Зикру мажлисни излейген.
200
Мин шайтанны аркъасына,
Гел зикруну гьалкъасына,
Малайиклер 3 ортасына,
Эт зикру, айт:
Малайиклер къуршап алсын,
Уьстюнге къанатын салсын,
1 Деп айт.
2 Камил устазны къанатыны тюбюне гирип ондан вирд алып
юрют, деген маънада.
3 Малайиклени.
201
Гьюрюкъызлар шавукълу къалсын,
Эт зикру, айт:
Зикру мажлис, женнет баву,
Халис муъминлер 1 йыбаву,
Савабыны ёкъ санаву,
Эт зикру, айт:
Зикругъа сен санав берме,
Къапул юрек булан гирме,
Гьакъгъа бакъ оьзюнгден гёрме,
Эт зикру, айт:
Оьртен сал юрек юртуна 2
Сен гюй гьашыкълыкъ 3 отуна,
Зикру дармандыр тутуна
Эт зикру, айт:
Юрюме ёлну оярдай,
Бичемен тутгъан баярдай 4,
Гьар ким алдынгдан таярдай,
Эт зикру, айт:
1 Герти муъминлени.
2 Зикру этегенде юрегингде гьашыкълыкъны ялынын якъ, деген
маънада.
3 Гьашыкълыкъны.
4
Биз бу сатырны мурадын арив англап битмедик, бизин
хыялыбызгъа геле бу сатырны сёзлерин Абдулгъани гьаттан
оьзген оьктем юреклилеге къоллагъан деп.
202
Даим очарда олтурма,
Ёлну къавгъадан толтурма,
Оьзюнге оьзюнг тузакъ къурма,
Эт зикру, айт:
Таман дюнья гезегенинг,
Хурт-хомурсгъаны эзгенинг,
Уьйлер-эшиклер тизгенинг,
Эт зикру, айт:
Ойлаш мискин гьакъыл сайла,
Сени атанг-ананг къайда?
Сонг гьёкюнмек бермес пайда,
Эт зикру, айт:
Къоймажакъ сени гетмесенг,
Тар къабурунга етмесенг,
Онда болмас, мунда этмесенг,
Эт зикру, айт:
Мунда этгенлер онда алар,
Этмегенлер магьрюм къалар,
Тилей туруп къайда барар?
Эт зикру, айт:
Ачып чыкъма эшиги ёкъ,
Ярыкъ гелме тешиги ёкъ,
Кёмек этме гьеч гиши ёкъ,
Эт зикру, айт:
203
Бек къарангы гёзге бакъма,
Чиракъ онгар онда якъма,
Тынчму топуракъда ятма?
Эт зикру, айт:
Мавлет бёлюк
Хошгелдинг рабиул-аввал
Тёшек-ястыкъ онда салма
Ювургъан ёкъ къагъып алма,
Уллу намус онда барма,
Эт зикру, айт:
Рабиул-аввал 1 хошгелдинг оьзюнг,
Сенден къуванып къарады гёзюм,
Макътавунг этип сёйлейим сёзюм,
Маргьабая-маргьаба рабиул-аввал 2.
Уллу намус алдыбызда,
Бек хантавбыз барыбыз да,
Ажжал гьазир яныбызда,
Эт зикру, айт:
Сёйлейим оьзюм шиърулар этип,
Ол Гьабибиме гьашыкълыкъ оьтюп,
Аллагьгъа сыйлы макътавлар этип,
Маргьабая-маргьаба рабиул-аввал.
Ажжал гелсе къоюп оьтмей,
Кимлер къалды мундан гетмей?
Пуч оьмюрге гьёкюнч этмей,
Эт зикру, айт:
Сыйлы макътавлар Аллагьгъа тарыкъ,
Аламгъа рызкъы береген Разикъ 3,
Ислам дин бере гьейлер дюньягъа ярыкъ,
Маргьабая-маргьаба рабиул-аввал.
Сонг гьёкюнмек пайда бермей,
Бир гетген сонг къайтып гелмей,
Пача бий деп мюгьлет бермей,
Эт зикру, айт:
Макътавлар Сагъа, Аллагь, герегим
Гьабибге гьашыкъ этгин юрегим 4,
204
1 Рабиул-аввал – бусурман айланы 3 чю айы, оьзюнде Мугьаммад
пайхаммарыбыз тувгъан ва гечинме де гечинген.
2 Хошгелдинг-хошгелдинг рабиул-аввал.
3 Разикъ – Аллагьны 99 атындан бирисидир, ону маънасы:
Оьзюню къулларына не якъдан да таъмин этеген Аллагь.
4 Аллагьым, юрегимни Мугьаммад пайхаммаргъа гьашыкъ эт,
деген маънада.
205
Магьшар майданда тутсун билегим 1,
Маргьабая-маргьаба рабиул-аввал.
Бары миллетлер байрамлар эте,
Пайхаммары тувгъан ай, гюнлер, гече,
Оланы сыйлап гьюрметлер эте,
Маргьабая-маргьаба рабиул-аввал.
Бары пайхаммарлар сёйлеген сёзлер,
«Огъар уммет эт» деп тилеген оьзлер.
Огъар гьашыкъ болуп йылагъан гёзлер,
Маргьабая-маргьаба рабиул-аввал.
Огъар гьашыкъ болуп йылама тарыкъ,
Макътавлар этип сыйлама тарыкъ,
Пакъыр мискинлени тергеме тарыкъ 2,
Маргьабая-маргьаба рабиул-аввал.
Бизин Гьабибни сыйлы яратгъан,
Огъар уммет этип бизин къаратгъан,
Ону учун кёклени, ерлени яратгъан,
Маргьабая-маргьаба рабиул-аввал.
Ону учун яратгъан инсан, жинлени,
Женнет, жагьаннемни, бары аламны,
Тюшюрдю Огъар Къуръан каламны,
Маргьабая-маргьаба рабиул-аввал.
Ол Гьабиб учун ислам дин тувгъан,
Бары батил дин шонда ер болгъан 1,
Гьабиб 2 нюрюнден кёк 3, ерлер толгъан,
Маргьабая-маргьаба рабиул-аввал.
Кёк, ер агьлюню саййиды 4 болгъан,
Пайхаммарланы афзали 5 болгъан,
Бу ислам динни ол Гьабиб къургъан,
Маргьабая-маргьаба рабиул-аввал.
Жагьаннем сиратдан алып оьтеген,
Оьзю шафиъ болуп 6 женнетге элтеген.
Ону учун кимдир мавлетни этеген,
Маргьабая-маргьаба рабиул-аввал.
Гёзюбюзню нюрю ол Гьабиб болгъан,
Динибизни ругьу ол саййид болгъан,
1 Мугьаммад пайхаммар магьшар майданда билегимден тутуп
къыйынлыкълардан къутгъарсын.
2
Шо сыйлы айда пакъыр-мискинлени унутмай, шоланы
гьайын этип, шолагъа садагъалар берип, оланы ашатып турмагъа
тийишли бола.
1 Мугьаммад пайхаммарны себебинден бары да ялгъан динлер
сёнген.
2 Гьабибни – Мугьаммад пайхаммарны.
3 Кёклер.
4 Бийи болгъан.
5 Сыйлысы болгъан.
6 Шапагьатчи, кёмекчи болуп, деген маънада.
206
207
Арш, курсгъа 1 барып Аллагьын гёрген,
Маргьабая-маргьаба рабиул-аввал.
Аллагь чакъыргъан къонакълыкъ этип,
Аллагьын гёрген янына етип 2.
Ону сыйлайыкъ макътавлар этип,
Маргьабая-маргьаба рабиул-аввал.
Мавлет ай гелди, билигиз, гьейлер!
Хошгелди, салам беригиз, гьейлер!
Гьабибни тоюна 3 гелигиз, гьейлер!
Маргьабая-маргьаба рабиул-аввал.
Мавлет ай гелди айланып етип,
Ону сыйлайыкъ мавлетлер этип,
Гьабиб къарасын шапаат этип,
Маргьабая-маргьаба рабиул-аввал.
Уллу байрамдыр, муну сыйлайыкъ,
Берген ниъматгъа шюкрю къылайыкъ,
Гьашыкълыкъ отуна гирип гюейик
Маргьабая-маргьаба рабиул-аввал.
1 Аллагь яратгъан затлар.
2 Бу гёчюм маънада геле, бугъар тувра маъна бермеге ярамай,
неге тюгюлде, Аллагьгъа ян бар деп айтмагъа ярамай. Пайхаммар
Аллагьны гёрген кююн сыпатлап биревге де ачыкъ этмеген.
Пайхаммар Аллагьны не сыпатда гёрген экен, деп гьайин этегенлер
адашгъанлардыр.
3 Мугьаммад пайхаммарны мавлетине, деген маънада.
208
Гьабибни тоюна гьашыкълар гелсин,
Ону ругьуна саламлар берсин.
Шайтанны бавру ярылып оьлсюн,
Маргьабая-маргьаба рабиул-аввал.
Гьабибни тоюна кимдир жыягъан,
Азиз малларын къурбан къылагъан,
Женнетни ачып шодур гиреген,
Маргьабая-маргьаба рабиул-аввал.
Гьабибни сюйген мавлетлер этер,
Шо ерге гелип малаклар 1 етер,
Магьшаргюн шолар шагьатлыкъ этер,
Маргьабая-маргьаба рабиул-аввал.
Гьабибге гьашыкъ 2 шавукълу болур,
Гьабибни ругьу гелгенин гёрер,
Мажлисни ичи пайиздан толур,
Маргьабая-маргьаба рабиул-аввал.
Шавукъгъа вёре ужрасын алыр 3,
Охуйгъан тавуш кёклеге барыр,
Ужрадан къуру юхлагъан къалыр,
Маргьабая-маргьаба рабиул-аввал.
1 Малайиклер.
2 Гиши.
3 Пайхаммаргъа чекген гьашыкълыгъы ахыратда бошуна гетмес,
уллу ужуралар-саваплар алажакъ, деген маънада.
209
Хантав болмагъыз сакъ турма герек,
Шавукъсуз болса ярыла юрек.
Ташлагъыз гьейлер юхуну арек,
Маргьабая-маргьаба рабиул-аввал.
Юху гелему Гьабибни тоюнда 1,
Шапаат этмек ону бойнунда,
Шавукълуланы къояр янында,
Маргьабая-маргьаба рабиул-аввал.
Шавукълу тавуш кёклеге барыр,
Малаклар къуршап арагъа алыр,
Гьюрюкъызлар огъар иштагьлы къалыр,
Маргьабая-маргьаба рабиул-аввал.
Тавпикъ бер, Аллагь, бизге мавлетге етме,
Гьабибни тоюн шавукълу этме,
Гьабибинг булан Сени рази этме,
Маргьабая-маргьаба рабиул-аввал.
Насип эт бизге женнетге гирме,
Берген ниъматынгны къадрусун билме 2,
Аллагьым, Сагъа макътавлар къылма,
Маргьабая-маргьаба рабиул-аввал.
Зайып Абдулгъани излей шапаат,
Аллагьдан явсун умметге рагьмат,
Дин къардашлар, сизге дуа аманат,
Маргьабая-маргьаба рабиул-аввал.
Хошгелдинг, рабиул-аввал 2
Рабиул-аввал, хошгелдинг оьзюнг,
Сенден къуванып къарады гёзюм,
Сен безендирдинг дюньяны юзюн,
Маргьабая-маргьаба рабиул-аввал.
Сени ичингде нюр загьир болду,
Бары да алам шо нюрню гёрдю.
Кёк, ерлер юзю шо нюрден толду,
Маргьабая-маргьаба рабиул-аввал.
Шо нюрден явду дюньягъа рагьмат,
Шо нюрню аты Мугьаммад Агьмат,
Шону сыйлы этди Агьадун Самат 1,
Маргьабая-маргьаба рабиул-аввал.
1 Мавлетинде.
2 Аллагь, Сен бизге берген ниъматланы хадырын билегенлерден
эт бизин, деген маънада.
1
Агьадун – Аллагьны атларындан бириси, муну маънасы:
Оьзюнден къайры биревге де къуллукъ этилинмейген
Аллагь, Оьзюгер ошайгъан гьеч бирев де ёкъ Аллагь, Оьзюню
сыфатларында ва ишлеринде ортакъчысы ёкъ Аллагь, Оьзюню
Аллагьлыгъында бир болгъан Аллагь.
Самад – Аллагьны атларындан бириси, муну маънасы: Дюньяны
къыйынлыкъларындан,
ахыратны
къыйынлыкъларындан
къутгъарагъан Аллагь, бары да махлукъатлар Оьзюгер ялбарагъан,
Оьзюнден кёмек тилейген Аллагь, пача болмакълыгъында, гьаким
болмакълыгъында камил болгъан Аллагь.
210
211
Сыйлы нюр чыкъды сенден бир гече,
Он экинчи геченг шо итни гече,
Шо гече ханчлар увалды нече,
Маргьабая-маргьаба рабиул-аввал.
Бары малаклар гелдилер етип,
Таваф этдилер, сюннетлеп битип,
Байтуллагь турду суждасын этип,
Маргьабая-маргьаба рабиул-аввал.
Ханчлар увалып, тёгюлдю ерге,
Жинлер чыкъмады тынглама оьрге,
Къалалар авду шо гече ерге,
Маргьабая-маргьаба рабиул-аввал.
Малайиклер алып кёклеге барды,
Кёк агьлю гёрюп леззетин алды,
Гьюрюкъызлар сени къонакълап салды,
Маргьабая-маргьаба рабиул-аввал.
Къаласы авуп Кисра хан гёрдю,
Уллу отлары къаралай сёндю,
Кёп уллу сувлары шонда къуруду,
Маргьабая-маргьаба рабиул-аввал.
Гьар-бир ниъматдан ер юзю толду,
Кёп аламатлар 1 бар 2 махлукъ гёрдю,
Уьч байракъ къагъылып белгили болду,
Маргьабая-маргьаба рабиул-аввал.
Бири Машрикъда, бири Магърипда,
Бириси байракъ Каъба къалкъыда,
Бары малаклар 3 гелип артында,
Маргьабая-маргьаба рабиул-аввал.
1 Аламатланы.
2 Бары да.
3 Бары да малайиклер.
Акъ дарайына чырмалдынг оьзюнг,
Яшыл шаршавда суждада юзюнг,
Ананг тынгласа бек пасигь сёзюнг,
Маргьабая-маргьаба рабиул-аввал.
Сени сёзлеринг Аллагьны бирлеп,
Суждагъа барып умметинг тилеп,
Имам бармагъынг туради 1 чидап,
Маргьабая-маргьаба рабиул-аввал.
Бирликге ишара бармагъы оьзю,
Оьзю гиччи яш суждада юзю,
Умметин тилеп яш тёкген гёзю,
Маргьабая-маргьаба рабиул-аввал.
Тувгъандокъ Гьабиб бизин тилединг,
Зайып умметингны гьалын билединг 2,
1 Тура эди.
2 Биле эдинг.
212
213
Умметинг учун сен кёп йыладынг,
Маргьабая-маргьаба рабиул-аввал.
Арив сёйледи ол пасигь сёзюн,
Маргьабая-маргьаба рабиул-аввал:
Йыладынг оьзюнг яш агъып гёзюнг,
Умметинг учун сени ахыр сёзюнг,
Асгьабларынга бакъдырып юзюнг,
Маргьабая-маргьаба рабиул-аввал.
«Магьшарда болурман къыйналып талып,
Гьусейинни гёйлегин къолума алып,
Саваплар янына шону элтип салып –
Маргьабая-маргьаба рабиул-аввал.
Асгьабларынга сен кантынг этип,
Зайып умметни гунагьын айтып,
Сени ял этди шапаат этип,
Шапаат сенден я Расулаллагь.
Сыддыкъ мубарак яртысын алды,
Уьчден бир пайы Умаргъа къалды,
Дёртюнчю пайгъа Осман къол салды,
Маргьабая-маргьаба рабиул-аввал.
Шапаат этмеге Али къаражакъ,
Жагьаннемге таба янны алажакъ,
Къалдырып болмаса оьзю баражакъ,
Маргьабая-маргьаба рабиул-аввал.
Патимат 1 бийке ачдыму юзюн,
Дадасына къарап яшлады гёзюн 2.
1 Пайхаммарыбызны къызы Патиматзагьра.
2 Атасы, Мугьаммад пайхаммаргъа къарап гёзьяшын тёкдю.
Патимат атасы оьлгенде дюньяны леззетин оьлюп къалгъынчагъа
тапмады. Атасына бек гьашыкъ саялы 9 айдан Патиматзагьра
дюньядан гетди. Патимат женнетни къатынларыны бийкеси
болажакъ.
214
Шо да болмаса гунагьны янчып,
Савап ян басып юрегим ачып,
Магьшар халкъ гёрер башымны ачып –
Маргьабая-маргьаба рабиул-аввал.
Чуткъумну салып чачымны ачып,
Савап ян токътар гунагьны янчып,
Умметинг гирер дадам женнетни ачып»
Маргьабая-маргьаба рабиул-аввал.
Бары да жыйылып бу кюйде ойлап,
Этер шапаатын бары да сёйлеп,
Биз де къарайыкъ буланы ойлап,
Маргьабая-маргьаба рабиул-аввал.
Биз де тергейик салават салып,
Бизде къалмасын бары да айып,
Магьшарда къоймасын бизин уялтып,
Маргьабая-маргьаба рабиул-аввал.
215
Сен бизин къойма магьшарда яйып,
Бармагъа ерим ёкъ, мен Сенден тайып,
Мени уьстюмде бары да айып,
Маргьабая-маргьаба рабиул-аввал.
Инангъанбыз Сагъа юзюнгню гёрмей,
Башгъаны танглама юрекни бурмай,
Къалырмукенбиз равзангны 1 гёрмей,
Маргьабая-маргьаба рабиул-аввал.
Гьасирет юрегим равзангны гёрме,
Беш де парзны тюзлеп Маккагъа барма,
Гьабибим, сюемен янынгда къалма,
Маргьабая-маргьаба рабиул-аввал.
Аллагьым насип эт янында къалма,
Ёлларындан юрюп чангларын алма,
Сени рази этип герти къул болма,
Маргьабая-маргьаба рабиул-аввал.
Зайып Абдулгъани Сенден тилейген,
Гьабибден шапаат даим излейген,
Дин къардашлар, сизден дуа гёзлейген,
Шапаат сенден, я Расулаллагь.
1 Равза – Пайхаммарыбызны межити, гёмюлюнген ери.
216
Дюньялыкъда пайхаммар
булан мажлис къурмагъа
сюймеймусан?
Я Расул, я Саййид, я Агьмад
Я Расул, я Саййид, я Агьмад
Я Расул би гьакъкъиллагьи Самад
Я Расул сенден бизге бир мадад.
Аллагьгъа гьар-бир макътав
Оьзю бизин яратгъан.
Гьабибге уммет этип
Ислам динге къаратгъан.
Ислам динге къаратды,
Гьабибге уммет этип.
Бугъар мавлет охуюкъ,
Сыйлы макътавлар этип.
Сыйлы макътавлар болсун
Гьабибге агьлюсюне.
Асгьабалары булан
Гиччиси, уллусуна.
Гьали мавлет башлайыкъ
Гьашыкъ болуп Агьматгъа,
Бугъар гьашыкъ болгъанлар
Ювукъ болур Рагьматгъа 1.
1 Рагьмулу Аллагьгъа.
217
Гёзлерибизни нюрю,
Юреклени дарманы.
Бугъар гьашыкъ болгъанны
Камил болур иманы.
Уьюбюзге гетейик,
Дюнья калам сёйлемей.
Гьабибден шавукъ тайып,
Юрегибиз ойламай.
Иманы камил болур,
Гьабибге гьашыкъ болса.
Герти шавугъу булан
Бугъар мавлет охуса.
Гьар-бир къасаватланы1
Бу мавлетдир дарманы.
Малайиклер къуршажакъ,
Мавлет охуйгъанланы.
Мавлет охуйгъан ерге,
Гьабибим гелип етер.
Шавукъ кюйде охусакъ,
Бизге шапаат этер.
Гьабибге мавлет охуп,
Гьашыкълыкъда гюейик,
Атанадан 2, авлетден
Ол Гьибибни сюейик.
Бизге шапаат этер
Эдеп булан биз турсакъ.
Нечик турмагъа ярай
Шону гелгенин гёрсек.
Ашамакъ, ичмек учун,
Тюгюл мавлет къурмагъы.
Эдепге гёре болур
Берекетни алмагъы.
Оьзю шексиз гележек,
Бизге салам бережек,
Ким шавукълу буса да
Ол Гьабибим гёрежек.
Берекетлер агъажакъ,
Мавлет охуйгъан уьйге.
Шек ёкъ Гьабибим гелип
Къаражакъ бизин кюйге.
Шавукълу мавлет охуп,
Арив дуа этейик.
Этгенибиз пуч этмей,
Уьюбюзге гетейик.
Къаражакъ бизин кюйге,
Шапаатларын этме,
218
1 Тот басгъан юреклени.
2 Ата-анадан.
219
Бизге Аллагь тавпикъ берсин
Ол Гьабибни рази этме.
Гьабибим рази болуп,
Шону гёзюбюз гёрюп,
Парз, сюннетин тюз этип
Шону ёлундан юрюп.
Байтуллагьгъа да етип,
Айланып таваф этип,
Оьлсек де къайырмайбыз,
Гёзел равзагъа етип.
Равзададыр бийибиз,
Шону булан сыйыбыз,
Шону равзасын гёрсек,
Ёкъ дагъы къыйыныбыз.
Къыйыныбыз кёп болсун,
Гьабибге гьашыкъ этип,
Юрегибиз ял болсун
Шогъар зиярат этип.
Мен зайып Абдулгъани
Бир Аллагьдан тилейген
Гьабибимден шапаат
Сизден дуа гёзлейген.
220
Гьар вакътиде дуадан
Айырмагъыз сиз бизин
Гьабибимден шапаат
Аллагь эсгерсин сизин.
Гьабибни мавлети
Аллагьгъа гьар-бир макътав
Оьзю бизин яратгъан
Гьабибге уммет этип
Ислам динге къаратгъан.
Шюкрю, макътав Аллагьгъа,
Бизге кёп ниъмат этген,
Бу Гьабибни мавлетин
Охумагъа уьйретген.
Салат-салам Гьабибге 1
Мавлетлеге етеген.
1 Пайхаммаргъа салаватлар ва саламлар болсун деген маъна.
Пайхаммаргъа салаватлар болсун деген затны маънасы: Аллагьны
рагьмусу да, гечмеклиги де, разилиги де болсун Мугьаммад
пайхаммаргъа, деген маъна. Пайхаммаргъа Саламлар болсун,
деген затны маънасы буса: Мугьаммад пайхаммар Аллагь
яратгъан затланы арасында инг де улусу ва сыйлысы болмакъгъа
гёре, Аллагьны ягъында инг де уллу макъамларда, даражаларда
болмакъгъа гёре, Аллагь огъар Оьзюню янында онгаргъан
тагьияятланы, яхшылыкъланы гьисап этип, Мугьамматгъа
Аллагьны уллу болгъан ва пайхаммаргъа этилинме тийишли
болгъан сыйлавлары ва тагьияятлары болсун, деген маъна.
221
Биздей зайып умметге
Шапаатлар этеген.
Юхлайгъанлар тийишли
Ол Гьабибден уялма.
Уьй ессине де девлет
Ону къадрусун билген 1
Гьабибни тоюн 2 этип
Бизин уьюне жыйгъан.
Биревлер мавлет эте,
Шондан берекет сююп,
Шавукъ кюйде болмаса
Гете юрегим гююп.
Бизин уьюне жыйгъан,
Гьабибге мавлет этип,
Шавукъ кюйде охусакъ,
Къарар шапаат этип.
Герти шапаат этер,
Эдеп булан биз турсакъ
Нечик турмагъа ярай,
Шону гелгенин гёрсек.
Ол Гьабибим гележек,
Мавлет охуйгъан уьйге,
Ким шавукълу, ким юхлай,
Къаражакъ бизин кюйге.
Бу Гьабибни тоюнда
Ярайму юху гелме?
1 Мугьаммад пайхаммарны хадырын билип ону сыйлагъан,
деген маънада.
2 Мавлетин.
222
Биревлер мавлет охуй,
Бирлери шонда юхлай,
Мавлет бар уьйге гирме
Шайтанлар къаравуллай.
Шайтан гелип гиргендокъ
Юреклени ойлата
Эшитгенин, гёргенин
Биревлеге сёйлете.
Бир табунлар сёз башлай,
Бирлери артын хошлай,
Этген ибадатыбыз,
Яллап къалагъангъа ошай.
Амал буса сюймейбиз,
Мавлет охуп бош къайтма,
Алимлеге борч бола,
Сёйлемегиз деп айтма.
Онча арив зат тюгюл
Мавлетде дюнья калам,
223
Сёзден сакълангъанлагъа
Гьабибден сыйлы салам.
Мавлет шавукълу болса,
Гьабибим гелип етер,
Дюнья калам кёп болса,
Шайтан ёлдашлыкъ этер.
Шайтан ёлдашлыкъ этер,
Лагъву калам 1 кёп болса,
Сакъ турма ярар эди,
Шону гелгенин гёрсе.
Гелегенин гёрмейбиз,
Яшыртгъын гелип къала,
Ибадатны пуч этип,
Шайтан байракъны ала.
Шу мальун къайдан геле
Гелегенин гёрмеймен
Халкъны ичине мен гирсем,
Гьалым сакълап болмайман.
Гьалым сакълап болмайман
Халкъны ичине мен гирсем
Шу мальун мени гёрмей
Янгыз ерде мен турсам.
1 Тарыкъсыз лакъырлар.
224
Янгыз ерде ким турса,
Ятар ерин ойлата.
Экев бир ерде турса
Гъыйбат, бугьтан 1 сёйлете.
Ойлашмай сёзюн сёйлей
Нече эр, нече къатын
Айтгъан сёз гюмюш буса
Айтмай къойгъанынг алтын.
Пикрусуз сёзюн башлай
Бар 2 халкъны гунагьлы эте
Шу биревню заралы
Бары да халкъгъа ете.
Бир табунлар сёз башлай,
Шайтан сагъа да турта
Бирлер Аллагьдан къоркъуп
Сёйлемей сёзюн юта.
Бирлер Аллагьдан къоркъа,
Борч болгъан затны айтма,
Аллагьым тавпикъ берсин,
Тавба этип гьакъгъа къайтма.
1 Гъыйбат – адамны кем гёрюп, ону артындан багъшалагъа бар
кемчиликлерин айтмакъ.
Бугьтан – адамны сёгюп, онда ёкъ затланы айтып, багъшалагъа
яман гёрсетип, ону артындан яла япмакъ.
2 Бары да.
225
Гьакъ сёзню сёйлегенни,
Магьшаргюн юзю ярыкъ,
Авзундан чыкъгъынчагъа
Сёзню оьлчеме тарыкъ.
Не болсун мени барым
Даим юрюймен булгъап.
Ай Аллагьым, боласан
Мендей зайыпны тюзлеп.
Гьар затгъа бир къапу бар
Гирме-гирмей токътама,
Тилге экини салгъан
Сёзюн жыйып сакълама.
Мен бир зайып къулунгман
Рагьму къыл Аллагь магъа.
Юрюп барагъанда да
Ялбараман мен Сагъа.
Сёз бир окъ йимик затдыр,
Айтгъан сонг къайтып гелмес.
Ойлашып сёзюн айтгъан
Шайтангъа боюн бермес.
Мен Сагъа ялбараман
Юрюп барагъанда да
Таш ёлланы уьстюнде
Чакъа яягъанда да.
Напсым, тилим жыймагъа
Тавпикъ бер деп тилевюм
Зайып гьалыма къарап
Геле мени йылавум.
Ёлда чакъа яягъан
Мен зайып Абдулгъани
Дин къардашлар дуадан
Айырмагъыз сиз мени.
Зайып гьалымны ойлап
Мени юрегим гюе
Ит йимик зайып гьалым
Халкълар не билип сюе.
Пайхаммаргъа
гьашыкълыкъдан
сёзлер
Халкълар не билип сюе,
Итден де зайып гьалым.
Суратым инсангъа ошай
Не болсун мени барым.
Аллагьгъадыр гьар макътав
Оьзю бизин яратгъан,
Гьабибге уммет этип
Ислам динге къаратгъан.
226
227
Ислам динге къаратдынг
Бизге кёп ниъмат этип,
Ниъматларынга гёре
Болмайбыз шюкрю этип.
Мен Сагъа йыгъылайым,
Гьабибимден тилейим,
Патиматун Загьрагъа 1,
Айшатгъа билинейим 2.
Шюкрю макътавунг этип,
Болмайбыз таза юрюп,
Гьабибинге инандыкъ
Гёзюбюз гёрмей туруп.
Хадижат кубра булан 3
Агьлю байт тагъыла 4,
Шулагъа гьашыкъ болуп
Гёзьяшларым агъыла.
Гёрмей туруп инанып,
Гьашыкъ юрегим янып,
Мен пакъыргъа насип эт
Равзасын гёрме барып.
Барып равзасын гёрюп,
Басгъан ерлерин оьбюп,
Чангына боялайым
Шону ёлундан юрюп.
Юрюп ёллары булан,
Гёрюп гёзлерим булан,
Къабурун къучакълайым
Яйып къолларым булан.
Къолларымны яяйым,
Равзасына гирейим,
Шюкрю суждасын этип,
Мен Сагъа йыгъылайым.
228
Агъылмагъы гёзьяшны
Гетермегин 5 пучуна,
Тамашалыкъ этмегиз гьейлер
Гьашыкълыкъны гючюне.
Гунагьы кёп зайып къул,
Гьалимукен мен йылай,
Гьасиретлигим таймай
Барып равзагъа гирмей.
Барып равзагъа гирип,
Гьабибиме билинип,
You have read 1 text from Kumyk literature.
Next - Равза - 07
  • Parts
  • Равза - 01
    Total number of words is 3570
    Total number of unique words is 1490
    39.7 of words are in the 2000 most common words
    56.7 of words are in the 5000 most common words
    65.6 of words are in the 8000 most common words
    Each bar represents the percentage of words per 1000 most common words.
  • Равза - 02
    Total number of words is 3335
    Total number of unique words is 1531
    36.3 of words are in the 2000 most common words
    51.7 of words are in the 5000 most common words
    59.2 of words are in the 8000 most common words
    Each bar represents the percentage of words per 1000 most common words.
  • Равза - 03
    Total number of words is 3220
    Total number of unique words is 1562
    34.0 of words are in the 2000 most common words
    48.8 of words are in the 5000 most common words
    57.1 of words are in the 8000 most common words
    Each bar represents the percentage of words per 1000 most common words.
  • Равза - 04
    Total number of words is 3337
    Total number of unique words is 1564
    36.1 of words are in the 2000 most common words
    54.3 of words are in the 5000 most common words
    63.6 of words are in the 8000 most common words
    Each bar represents the percentage of words per 1000 most common words.
  • Равза - 05
    Total number of words is 3355
    Total number of unique words is 1408
    38.8 of words are in the 2000 most common words
    53.9 of words are in the 5000 most common words
    62.8 of words are in the 8000 most common words
    Each bar represents the percentage of words per 1000 most common words.
  • Равза - 06
    Total number of words is 3230
    Total number of unique words is 1461
    36.3 of words are in the 2000 most common words
    53.4 of words are in the 5000 most common words
    63.1 of words are in the 8000 most common words
    Each bar represents the percentage of words per 1000 most common words.
  • Равза - 07
    Total number of words is 3285
    Total number of unique words is 1348
    37.2 of words are in the 2000 most common words
    53.6 of words are in the 5000 most common words
    63.4 of words are in the 8000 most common words
    Each bar represents the percentage of words per 1000 most common words.
  • Равза - 08
    Total number of words is 3473
    Total number of unique words is 1366
    33.4 of words are in the 2000 most common words
    45.8 of words are in the 5000 most common words
    54.5 of words are in the 8000 most common words
    Each bar represents the percentage of words per 1000 most common words.
  • Равза - 09
    Total number of words is 3311
    Total number of unique words is 1510
    34.1 of words are in the 2000 most common words
    49.5 of words are in the 5000 most common words
    58.6 of words are in the 8000 most common words
    Each bar represents the percentage of words per 1000 most common words.
  • Равза - 10
    Total number of words is 3277
    Total number of unique words is 1339
    37.3 of words are in the 2000 most common words
    54.4 of words are in the 5000 most common words
    63.2 of words are in the 8000 most common words
    Each bar represents the percentage of words per 1000 most common words.
  • Равза - 11
    Total number of words is 3350
    Total number of unique words is 1488
    34.7 of words are in the 2000 most common words
    51.6 of words are in the 5000 most common words
    60.2 of words are in the 8000 most common words
    Each bar represents the percentage of words per 1000 most common words.
  • Равза - 12
    Total number of words is 2339
    Total number of unique words is 1240
    38.8 of words are in the 2000 most common words
    54.2 of words are in the 5000 most common words
    62.3 of words are in the 8000 most common words
    Each bar represents the percentage of words per 1000 most common words.