Жыртық кітап жылады

  (Мысал)
  
  Әр беті сатпақ-сатпақ,
  Сірескен шимай-шатпақ,
  Жұлма-жұлма жыртық кітап
  Өзіне қарап жадап, жұтап;
  Ашу қысып, ызаланып,
  Иесіне бұрылып, назаланып:
  - Ей, оқушы балам! - деді.
  - Қарашы өзің маған! - деді.
  - Жап-жаңа сүйкімді кітап едім,
  Білім бұлағы - саған, - деді.
  - Бірінші тоқсанға жетпей
  Азырақ сыйлап, құрмет етпей,
  Белшеден кірге батырдың.
  Қолға алғысыз болып жатырмын.
  Мұқабамды мылжа-мылжа қып жырттың,
  Беттеріме білеулей қолыңды сүрттің.
  Қаламыңшмен тесіп, түртіп,
  Шұрық тесігімді шығардың!
  Бұл қорлыққа қалай шыдармын?
  Саған қызмет етуден басқа ниетім жоқ,
  Бірақ жұртқа қарар бетім жоқ.
  Ойланшы өзің, балам!
  Не жазығым бар саған?! - деп,
  Ызалы жыртық кітап жылады.