Latin

Тăван чĕлхе

Total number of words is 106
Total number of unique words is 85
41.0 of words are in the 2000 most common words
55.0 of words are in the 5000 most common words
61.9 of words are in the 8000 most common words
Each bar represents the percentage of words per 1000 most common words.
Тăван чĕлхе

И чĕлхеçĕм, и чиперĕм,
атте-аннемĕн чĕлхи.
Тĕнчере нумай мĕн пĕлтĕм
тăван чĕлхеме пула.

Чи малтан чĕлхеçĕмпе
аннем сăпкара çывратнă.
Каярах çĕрлесенче
асаннеçĕм юмах янă.

И чĕлхеçĕм! пулăшăву
яланах пĕрле санăн,
пĕчĕкрен ăнлашăннă
савнăçăм, хуйхăм манăн.

И чĕлхеçĕм! Сан ятупа
малтанласа кĕл турăм,
каçарсам тесе, хама та
атте-аннеме, Туррăм!


Сăмахăм пур

Çил пулса вĕрем – вĕрнĕ чух,
Чечек пулса ӳсем – ӳснĕ чух,
Сăмах пулса юхам – юхнă чух,
Сăрт-ту пулса тăрам – тăнă чух.

Калас сăмахăм – вĕрнĕ çилсенче,
Курас куçăм – ӳснĕ çеçкесенче,
Çут шухăшăм – юхас шывсенче,
Кĕрнек пĕвĕм – мăнаç тусенче.
Йăмăх юнра хĕвел шевли пур,
Чĕреçĕмре çĕрĕн юрри пур,
Куçăмсенче халăх чунĕ пур,
Çавăнпа ман калас сăмах пур!
You have read 1 text from Chuvash literature.