“гашыйк” – Tatar explanatory dictionary

1. 1) Берәр кешегә мәхәббәте төшкән, яратучы, сөюче.
Нәркәсне сөйгән Иштирәк батыр, Гашыйк егеткәй – арыслан тотар.
Н.Әхмәдиев. Ераклардан карашлары белән Тартып алды, зарыгып, гашыйк күз.
Х.Әюп. Кайда соң Сез сәмәви рухлы, Гашыйк җанлы Фәрхад, Шириннәр?
Ә.Синугыл-Куганаклы
2) күчерелмә мәгънәдә Бер эшкә, шөгыльгә бик нык бирелгән, бер нәрсә белән бик кызыксынган,
мавыккан. --- заводта токарь булып эшләү чорында, мин инде техникага
гашыйк кеше булып җитлеккән идем. А.Расих
2. и. мәгъ. 1) Мәхәббәт тотучы кеше, яратып йөрүче, сөюче. Һушәң шаһ, бу ике
гашыйкның серләрен әүвәлдән үк белгәнгә күрә, үзе ике арада яучы булып, --- бу
ике гашыйкны бер-берсенә кавыштырдылар. Дастан. Кәккүкләр бу гашыйкларга
Тигез гомер юрады. Ф.Яруллин. Ихтимал, бу көнне өстәл тирәсенә бары тик
гашыйклар гына җыелган булгандыр... Р.Мирхәйдәров
2) Берәр нәрсә белән мавыгучы, шуны яратучы, аңлаучы, кадерен белүче.
Китап гашыйгы. Билгеле инде, бу – гүзәллек гашыйгы, аңа карап, үзен
мәхәббәттән өстен тотканы юк. Н.Исәнбәт
3. хәб. с. Ярату хәлен, мәхәббәт тоюны, кемгә яки нәрсәгә дә булса тартылуны
белдерә. Беләсең, ат белән хатын-кызга үлеп гашыйк бит мин! З.Хөснияр.
Митя аерата Сәйдәш музыкасына гашыйк. А.Расих. Китапка балачактан ук
гашыйкмын. Аз гына вакыт тиде исә, хәзер дә кулыма китап алам. Сөембикә

-и. Сөю хисе белəн янучы, яратучы. ГАШЫЙК БУЛУ -Ярата, сөя башлау